情緒

今日睇咗醫生喇，在醫生度量血壓更高，下壓9X上壓更去到167，不過醫生話可暫不吃藥觀察兩星期及寫下紀錄的度數俾佢睇再決定！

但另一方面要食兩星期控制情緒藥，因為我又失控了，在醫生房內又流馬尿了，希望這次d藥可令自己鬆一鬆吧！不過我冇話俾媽咪知我食呢d藥呀，因為我今早才陪佢去做白內障手術，我不想佢擔心呢，而且佢尋日仲生日添，只希望佢可以開心生活，身體健康已很滿足了！

血壓

呢排情緒成日起伏好大，好容易激動，俾阿女激一激，一下子就出現火滾情形！突然心血來潮用個血壓計check下，嚇c我了！以往我的下壓是6x上壓120-130左右，呢次係上壓130下壓98呀，試過好多次，下壓都係過90；唉，我唔想成世要食藥呀！）））

荒漠甘泉

尋日（22-2-2014）去粉嶺探姑婆（好少去）竟然在鬧市發現呢個建築物----粉嶺聖約瑟堂，好似世外桃源咁靚，最衰唔近我屋企啦，不過影低分享下都好吖！

不自量力

近期總想吃些辣既野，膽粗粗買了這樽蝦米朝天辣椒，煮了碗粉加一少匙試下先，辣c人喇，原來我都幾唔食得辣，可能辛辣麺已是極限了！

元宵情人節2014

14-2-2014 

今日是1⃣️9⃣️年一次的元宵情人節，我的小情人已平安回家陪我了，經過三日兩夜的教育營後，疲憊的小身軀要好好差電了，努力補眠中！

寶貝女帶給我的～～～鳳梨酥

中午時份我約了加拿大回港的舊同學及其他中學同學聚舊，傾傾談談下十分愉快，她好客氣地每次都帶好多朱古力給我們，一個女人仔帶住個5⃣️歲女仲拎咁多野俾我地，講真，我好感動囉！絕不是價值多少的東西，係呢份心意在現今世代已很稀有了，要好好珍惜這識於微時的同學仔呢！友誼永固！

偏愛

呢個星期開始好凍呀，屢見新低，今朝6度呀，有暖爐羽絨都凍到CC下！阿女今日開始仲要去三日宿營，唔擔心就假啦！

唉，不過一同其他人講就唔會明白了，我媽咪話：去三日之嘛，都冇咩拎去啫，我話凍呀，擔心佢沖涼水唔夠熱呀，又落雨......，車，個個都係咁架啦，唔通帶兩公升熱水去咩！（講真我真係有少少唔高興）咁呀都要準備足夠衣物暖包掛，始終第一次佢自己出外，擔心都正常啫！

突破

11-2-2014 （tue) 

今日我嘗試了人生第一次自己入戲院睇戲，之前從未唸過既，可能有d野就係需要這一下的勇氣，不是特別想睇呢套，只是想迫自己一d轉變及調整一下心態啫！

何謂孝順？

新年有開心但亦都有煩惱。

本來買新衫新鞋換新鈔票，老公又放假陪我地，又唔洗煮飯做家務，又唔洗迫人做功課又唔洗早睡早起，好開心呢！

但......一d傳統禮節就太麻煩了，特別係傳統既老人家！ok夾時間全家出動同你一齊去拜年冇問題，之但係幾日之後佢地一家又要反過來奶奶屋企再拜年一次，其實大家見過面咪得囉，洗咩我嚟完你屋企你又要嚟返我屋企唧！點解我地好似冇得say no咁既，冇得唔得閒，仲叫我老公去霸定位飲茶，老公聽完呢個電話火都嚟呀，佢探你咪你去招呼佢地囉，有三個仔女但愈聽話的愈被洗得多，孝順的做多d？點解唔理人感受，人地仔女孝順全家出動你又不甘示弱嗎？點解阿哥可以唔得閒阿妹可以唔洗出現，我地又冇得唔得閒呢？君子之交淡如水，莫非家人都要一樣嗎？

一室花香

今年既年花好靚呀，我特別愛水仙呢，全屋都香噴噴心情都好d呀！