課外活動----開始

囡囡而家上了小一, 學校有舉辦課外活動的, 所以出面的活動可暫停了; 而且學校亦比出面便宜d及有保證d!

囡囡的活動都不太繁忙吧, mon--紙黏土(囡囡最like既野), wed--中國舞(媽咪為佢安排既), sat-- cambridge (starters)英文(對佢英文有幫助既); 本來還有fri的小童軍呀, 不過baba驚佢太密集應付唔到, 所以cancel了! 雖然個個都話很可惜, 因好難才可抽籤抽中, 但來日方長, 而且我要嘗試決定了便不後悔不向後望, 所以算了吧, forget it! (點知咁好彩噃, 選4樣活動抽籤4樣都中哂!)

sat上第一堂的英文, ok啦有同學仔同一班, 我就悶熱非常地在門外足足等了一個小時多, 之後又到指定節目-----去睇醫生, 囡囡的鼻仍然流黃鼻涕+多痰, 而家平均個個星期都同醫生有約會--- 真煩人, 今次亦已book定下星期六覆診了! 囡囡, 妳幾時先好番呢?

細路仔病當然煩啦, 最煩係我呢個亞媽又渣, 佢病得耐之後必然到我病; 呢2次仲衰, 咳已經夠慘啦, 仲要上次冇啦啦食完個醫生d藥變咗胃酸倒流, 不斷想嘔, 今次又lai胃酸倒流+咳, 又病夜晚又瞓唔到, 真係c咁滯! 

所以而家明白了, 我唔會減肥嫁, 原來食得+瞓得, 呢d咁基本既野都唔係容易嫁!

對付囡囡脾氣的方法

                   

囡囡仍然情緒不太穩定, 常常使脾氣, 一不如意便喊, 我自問eq亦低, 常常她一喊唔停我便火起; 但慢慢我亦有進步了, 而家會先平靜自己或做其他野分散自己,之後先再去同囡囡傾計平靜佢, 如佢仍然發脾氣, 我便當睇唔到佢喊, 照問佢其他野或我照做家務, 通常事件便可平息的!

但先要自己心平心靜氣亦不是易事, 事關我燥底ma, 常常都好好火, 我有"心火盛"嫁!

令人心情大好的歌曲

2008年9月21日上午9:13朋友累積瀏覽 0 3

                       

小孩子的情緒真不易理解, 昨晚又冇故的哭起來, 找出一些莫名其妙的理由, 可能我techni未夠, 仲未懂得令佢說出不開心的原因吧, 但幸好亦能安撫到囡囡安寧的睡著!

有時睇其他人的blog真的不錯, 起碼會令自己有共鳴, 有d野亦可揾到意見, 看看其他mama怎樣處理及安排小朋友的生活上問題, 的確對我幫助好大, 昨日發現一個blog, 聽到其中一隻歌, 突然心情好開心好興奮! thank you 妳"嵐妹" 媽!

莫再說, I don't know, 頑皮鬼馬咩都知道, ....................lalala

busy的9月

                  

囡囡的多痰及咳嗽足足由1/9睇醫生直到今日要去覆診, 整整2x日都在食藥水睇醫生, 簡直疲於奔命!

由於現在囡囡返全日制的學校, 時間更緊迫, 四時多才回家立即梳洗一番, 立即開工做功課, 完成哂d功課已五時多了, 急忙的趕到青衣城睇醫生, 六時到達診所都要等3x個"籌"?, 唯有食過晚餐再回來吧, 8時多終於輪到我地睇了, 醫生診症已算快了(我亦"戥"醫生疲累---由早上9時至晚上9時不停有病人, 但可惜佢不是私人診所是集團形式呢, 我相信佢太太要見佢, 應該去診所做病人會見得耐d囉!), 等取藥簡直火都來, 足足等了35min, 又唔催得, d 配藥nurse仲巴閉過醫生, 之後仲要飛"的"回家! (因大人細路都累c了!)連睇醫生$, 晚餐$, 的士$, 今日用d $真係好"和味"呀! 要快d學識印$先掂呀!

養一個細路四百萬得唔得? 唔知, 因我都冇! 但人力財力兩樣野絕對缺一不可!

11週年紀念日-----9月12日

                                                                              

11年前的呢日------9月12日, 好開心的大日子呀, 同心愛的人結婚呀! 簡直童話故事一樣, 大清早我家已熱鬧非常, 人人都各自忙碌, 我在化妝, set 頭, 換衫, 媽媽亦忙個不停, 姊妹們在忙於商量玩法, 熱烘烘的好不熱鬧.............

眨眼間已過了11年了, 時間過得真係好快, 今日我已有一個囡囡, 一個幸福的家庭, 但有時覺得自己都仲係好似細路女(當然唔係個樣啦); 而是思想唔夠成熟, 好多野都唔知點解決, 仲係成日希望老公好似拍拖時咁tum自己, 一路混混淆淆的過日子! 原來時間已悄悄的溜走了, 今日"叮"一聲提醒自己, 無謂既野唔好唸, 得閒就飲杯茶食個飽啦, 只要努力做自己要做既事, 其他都不要想太多了!

適應期

                   

囡囡返小一已12日了, 各方面尚算OK, 包括: 一早起身, 返全日, 做功課等等, 至於在校食LUNCH......, 她對我講就樣樣都OK, 但同BABA又另一版本, 哭著說好害怕在校食LUNCH, 因唔夠時間食, 又食唔哂, 好驚之類! 點解同我講既又唔同呢? 我真係咁惡咩, 不過我都不可"篤穿"囡囡, 因仲要靠BABA收料嫁! 成日都要做惡人, 唔淮呢樣唔淮O個樣, 真係不討好的角色呀!!!

呢幾日囡囡D情緒都不大穩定, 成日都會想哭, 昨晚又發惡夢在喊! 其實咁細個人仔都可憐嫁, 個書包仲重過佢呀, 日日我都會好早去接佢放學, 等佢一放學就見到我, 佢會"咪咪嘴"地笑 , 而我直程想抱住佢錫下啦, 其實我朝朝都唔想咁快俾佢入學校TIM, 真係唔捨得呀, 反而佢就趕住入去, 仲叫我: "放學咪見到我囉!"

抵讚的囡囡

                                                                                 

今朝番學落大雨呀, 最怕落雨天上車落車, 所以用最亞q既方法, 早d出門口去食早餐之後先慢慢行番學校, 時間預得好好, 不過都要多得囡囡合作先可以成功, 呢樣野真係要讚下個女, 之前番開下午班, 佢日日都10:30am先起身, 好彩呢5日朝朝6:30am叫佢起身都ok, 希望之後都咁順利啦!

囡囡一年班的好開始

囡囡正式踏入小學生涯了, 一切都算順利, 起碼早上6時半都肯起床沒吵吵鬧鬧之類!


今日第二天上學, 學習一些在校規則---去洗手間, 排隊放學, 小息, 在堂上的守紀律......之類! 昨天放學前到學校做義工家長, 囡囡見我在課室出現十分驚喜而有少量失控呢, 她的班主任相比其他老師是比較惡的, 希望囡囡可適應吧, 幸好暫時她說都還喜歡上學呢! 不過細女始終是細女(年尾出生的孩子), 相比其他同學囡囡好像還很bb似的, 有些同學則似3年班呢! 真奇怪???

囡囡, 媽媽這星期都會當義工家長來陪妳, 希望妳可好好訓練照顧自己吧! 早上送妳入學校時開始有點兒捨不得妳呢!

忙碌+滴汗的一天

                   

今日下午小公主的班主任來電, 問我點解小公主仍未send 相及家長心聲去學校做學生的畢業紀錄冊, my god, 而家d幼稚園點解日日都咁多野叫家長做嫁, 仲要用電腦做, 我d電腦技術又c, 結果全個下晝都係度滴汗(緊張)咁慢慢試及慢慢作文, 終於都攪掂哂啦!真係攪到我白頭髮都多幾條呀!

晚上may may來電, 佢"蝦子餅" 12/5不可請假(因不是澳門假期), 所以中國之旅可以擱置了, 沒所謂---反正我興趣不大,只是柴娃娃的去!

明天老公請了假, 因為會去小公主學校觀課, 一年只得一次咋, 不過唔只係睇咁簡單, 要落手落腳做老師教小朋友, 又係時候eq大測試了, 自問超級冇耐性的我要好好忍耐了!