http://mghml.blogspot.hk

2015年12月9日星期三

好人好事

同我跟進開病症的醫生(Dr. Peter Anthony Fok)要調走了,有d唔捨得呀,佢好好人又有耐性聽我講野,難得遇到好好既醫生好感恩呀,成日聽人講政府醫生同姑娘好差,今次好彩遇到的都好好,要幫佢地平反呀,希望呢個醫生以後工作順利,繼續仁心仁術!

今次呢個病令我發現錫我既朋友同親人都對我好好呀,要珍惜呀!而家搵到隻啱既藥希望快d好番,可以再重新出發!

2015年9月12日星期六

捨不得妳飛


我知道囡囡會一日一日長大,不過大得太快啦!

本來每晚都要我陪住瞓覺,我好享受呢一個時刻,前日佢突然之間同我講唔需要你陪了,我自己可以訓啦!我突然之間覺得好傷心,原來佢已經唔再需要我啦,唔洗陪瞓冇得拖手,好hurt 好 down呀!

我知道佢要飛我唔可以綁住佢,我只可以默默背後支持而且要適時地放手了,我知道佢要獨立,不過我真係好唔捨得呀,可能我既世界太細喇,家庭是我既全部,我竟然默默咁流淚,好傷心呀!

希望我能夠好快適應呢段適應期啦!

2015年9月1日星期二

升中二了

暑假完了!囡囡今日開學升中二了,新一年新開始希望一切順利,希望有好的同學好好相處,希望有好的班主任及老師教她;而我自已亦希望有好的生活好的開始,阿們!

P.S. 上中學後的第一份禮物,數學科成績傑出獎,好開心呢算是小小鼓勵吧!

2015年8月16日星期日

生蛇

上星期五(14/8/2015)晚媽咪覺得好頭痛--神經痛十分辛苦,睇了醫生仍不能止痛;星期六再睇另一個醫生,結果竟然係「生蛇」呀!!!

其實媽咪之前已經打咗「蛇針」(預防疫苗),估唔到仍然不能避免,希望佢快d好番唔會咁辛苦痛咁耐啦!

2015年8月14日星期五



時間真係過得好快好快呀,眨下眼仲有兩星期便放完暑假了;不過媽咪話覺得時間過得快即係生活過得開心喎,咁都好既不過有d唔捨得啫!

今年照舊仍然有一年一度的暑假家族大旅行(35人),愈來愈多人參與呀,不過只是兩日一夜的回國內住一晚酒店咋,冇咩特別行程㗎,因為要遷就老人家嘛,當中有幾位八十多歲的老人家,而且姑婆更加九十多歲了,腳不太好,當然冇咩行程方便佢唔洗行咁多嘛,不過氣氛愉快大家都好開心呀!

2015年8月4日星期二

願望

願我及我的家人我的朋友,全部都身體健康,笑口常開,生活愉快,幸福滿滿,主恩常在!
囡囡織給我的電話袋!

2015年7月8日星期三

時光飛逝

時間過得真快已經一個月冇寫blog了!囡囡開始放暑假了,之前擔心考試成績,結果好好呀(全部合格), 應該可以升班啩,不過11/7先有成績表呀!

尋日一早7:30俾佢morning call我去游水,老骨頭要岀動了!今年暑假冇報名學任何野,之前辛苦了9年今年休息一下吧!