無心插柳

有心裁花花不發，無心插柳柳成蔭！

好偶然既機會下我發現了特區護照就到期，無啦啦便去續期啦！又突然老公問囡囡幾時開始放復活節假期，去睇下d團又夾到時間喎，由攞番䕶照到出發都只是四日時間，樣樣都咁啱，整定有得去玩啦，台北我來了！

婦女節+生日

媽咪既生日在三八婦女節，所以呢日就出去食晚飯慶祝，由弟婦安排一切，幾好吖我又唔洗煩，媽咪又一定滿意嘅！

今次食泰國菜，阿姨舅父一齊出席所以可以叫好多不同食物！

最特別係呢個生日蛋糕，聽聞間舖頭在天后，做呢款芒果拿破崙極出名的，而且訂時一定要是三件起，之後要訂三既倍數，呢日我地14個人食飯訂了15件呢！

件餅果然做得好脆口好好味呢！

第一次

阿女成日想食呢個，第一次整馬蹄糕唔知成唔成功呢？