http://mghml.blogspot.hk

2013年3月19日星期二

近況



最近心情好少少了, 不過骨子裡都是燥底的, 下星期一又開始呈分的第一擊~~~~考試了, 希望今次唔好發癲多D正能量啦!

表妹下星期四結婚了, 希望呢單喜事可以平衡下我D心理, 而且30/3(Sat)報了名同囡囡去愉景灣掘復活蛋, 本來都心大心細架, 因為唔計船票都要成$200報名費參加, 不過要抽籤於是搏一搏, 點知𠯢抽中咗就俾亞女去癲一次啦, 佢應該實會覺得好玩既!

2013年3月12日星期二

愈緊張愈錫愈激心呀:((((((


2013年3月12日下午11:50朋友累積瀏覽 38 12

呢頭話錫佢多d嗰頭就俾佢激到扎扎跳呀,我估佢開始反叛期了(可能我都更年期了~極度燥底呀),句句都頂到行呀,唸野又負面(我唸我d負面思想灰色人生影響咗佢呀),日日佢喊我又喊,真係人都癲呀

其實我做亞媽真係好唔稱職呀, 我細個時咩活動都冇(媽咪冇同我去過公園, 游水, 踏單車, 冇參加過任何活動, 冇零用冇得自己出街, 其實我童年做過d咩呢?)
所以我咩都唔識(唔識游水,唔識踏單車,更加唔識同人相處,唔識理財, 唔識處理情緒...................)不過我已經好努力好努力去做好, 希望囡囡會開心d, 但好吃力好辛苦仍然吃力不討好, 以為自己湊可以對囡囡來說好好多, 但事與願違, 我辛苦佢都唔開心好辛苦, 咁我咁辛苦為咩呢?

2013年3月6日星期三

心痛呢~



每日都好忙好累, 好多功課, 默書, .........., 沒完沒了, 亞女又瘦又唔夠瞓, 跟本唔夠體力應付朝6點半晚11既生活, 尋日仲連人帶書包一同跌了落樓梯, 幸好只是皮外傷,瘀及腫了少許,及書包爛了而已, 心痛呢! 唯有鍚佢多D多D再D多啦~