http://mghml.blogspot.hk

2011年12月28日星期三

想法大不同


                   
大人同細路既唸法的確好唔同, 不過就大家都好辛苦!

我當然希望囡囡拿拿淋做哂d功課啦可以日日玩玩玩, 不過好煩......囡囡就覺得好煩好多功課唔願做(呢個媽咪日日都追人做功課架), 不過又真係幾多功課既, total係25樣功課呀, 樣樣都唔野少架, 1)其中抄中文一樣已經係: 90個詞語+抄7課中文書, 2)另一科數學工作紙: 係17張paper要計, 還有好多好多........其他的, 一提功課囡囡已經唔想再提了, 她常常同我講好懷念幼稚園唔洗做功課既日子喎(我都係呀), 亞女~~~妳仲有好多年好多年要趕功課架, 點算好???

假期後仲要考試, 點仲有可能溫書呀?做哂d功課我已經好開心了!

2011年12月26日星期一

有心冇力


25/12/2011 預備了一扎鮮花聖誕日媽媽洗禮後送給她的(她當然估唔到有花收啦), 佢好驚喜呀, 因為佢另一個朋友亦送了一扎花俾佢, 而媽咪最驚喜既當然係細佬都有出現啦!
 
不過呢輪我超級疲累呀, 三杯咖啡奶茶都唔掂, 仍然累到不得了(真係成日想瞓覺呀, 成日都想瞓著呀) 結果囡囡今年生日超級平淡呀, 去完媽咪浸禮想同佢去ocean park, 不過因為冇拎身份証冇得free所以取銷行程, 之後想去山頂坐纜車, 但......超級勁多人, 結果又取銷行程! 冇幾耐囡囡唔舒服啦, 可能因為食了勁"簡"水既麵, 所以要不停搵toilet佢好辛苦, 所以最後要立即"打道回府"了, 臨回家前去超市(一田)買野回家打邊爐, 我忽然決定即刻俾$100囡囡佢自己任意發揮, 結果佢買了一包車厘茄, 一杯日本桃子jelly, 剩下來既$就全部入了"豬仔", 我都唔好意思呀咁平淡咁同佢慶祝生日, 希望出年預備功夫做得好d啦!

2011年12月23日星期五

25/12/2011~~~今年聖誕別有意義呀


                   
今個聖誕節好特別呀, 25/12/2011除了是我囡囡生日之外, 媽咪仲會o係當日洗禮呀, 我地一家三口都會去觀禮架! 好開心呀!

2011年12月15日星期四

又來


2011年12月15日上午11:15朋友累積瀏覽 51 14
這令人痛到寸步難行的腰痛又來探我了, 希望今次可快快恢復過來吧!
***p.s. 立即煲了一個鮮淮山, 土伏苓, 龜版, 栗子煲烏雞湯今晚飲,
下晝再整個豬腰酒補補身先(我囡囡都好like飲架!

2011年12月9日星期五

我係怪獸

                   

今朝同囡囡返學好趕好趕呀, 成7:40am先出門口呀(當然冇遲到啦), 不過要好急步咁行囉, 最唔鍾意星期五要小女童軍, 因為件制服要著好耐又要繫圍巾, 一早又要煮飯俾佢拎, 湊完佢返學一輪忙碌過後, 又唸起要幫囡囡換購聖安娜個"輕鬆熊"袋仔(尋日屋企附近間聖安娜已經冇哂貨啦), 拿拿淋去第二區睇睇有冇啦, 好彩俾我換到一套啫, 再去百佳買一大袋餸回家, 已筋疲力盡了!

唸住可以好好抖一抖啦, 點知突然醒起今朝冇俾餐具囡囡, 點好呢? 不如由得囡囡自己唸辦法啦, 但係.......而家p.4開始要o係飯堂食飯, 唔訂飯既同學坐另外既長檯, 囡囡話過俾我聽佢坐中間位, 咁如果一開個飯盒先知冇餐具就會好"呢hea"架bor, 咁好啦~~~我一於怪獸一次, 做個"怪獸家長"送去學校俾佢啦!

橫豎都出開街一於去圖書館幫囡囡借6本書返來等囡囡放學開心
下啦! (因為囡囡好鍾意睇書ga, 不過佢又唔得閒去借喎!)

我而家對腳好累好累呀!!!))))))

2011年12月8日星期四

抖一抖, 再忙過


                   
媽咪今日同亞姨舅父一齊跟團返內地玩3日!

 希望佢可以好好RELAX呢3日啦!


*****************************************************************************************************

12月真係開始"冇事忙"了!~~~~~~~ 因為21/12開始老公放大假陪我地, 囡囡25/12生日(要唸d節目la), 26/12舅父再婚(又有一餐食了), 2012年1月囡囡又要考試了, 1月底便過農曆新年了, 初步知道細佬會2月底結婚了, 又要破$了!

2011年12月3日星期六


                   
早幾日已經知道天氣會突然好凍, 我最擔心既當然係媽咪啦, 因為佢D厚衫仲o係貨倉未拎出嚟架, 我湊完女就即刻回去想同佢去貨倉度攞d厚衫返屋企, 點知去到倉媽咪只是不停摷細佬d厚衫, 一路自言自語話細佬怕凍要幫佢攞厚衫攞"被"喎, 點都唔幫自己揾(佢話自己唔怕凍喎), 我冇野好講囉!!!!

尋日朝早真係好凍呀, 我湊完女去食粥暖下身先, 之後唸住去買d衫仔俾亞女, 食早餐時順便打電話俾媽咪問下佢凍唔凍先, 點知佢話一早去公園先知係"勁凍"呀, 真係"及及震"喎, 公園同佢一齊晨運d亞婆仲借了條頸巾俾佢喎!!!! 妳地話我激唔激氣呀, 個仔就最緊要喎而自己凍到咁都得???我拿拿淋又飛車過去同佢去倉攞衫啦, 佢唯有先cc地氣話: 算啦, d女先會咁細心, 仔就係咁唔上心架la!!! .....................................

所以我從來都只鍾意生女架咋!!!!