2013年12月30日星期一
2013年12月21日星期六
良師難求
囡囡學校尋日開聖誕party，多數同學仔都帶薯片，菠蘿腸仔，雞亦之類！我平日朝朝一早已經要煮飯，所以我一於偷下懶買（現成）零食啦！
d小朋友平時對學校食物部d小食都好有興趣架，但不是每個都有零用錢可以買野食，於是細心既班主任就在這天買給每位同學仔一包魚蛋，一包燒賣，一包腸仔，一於大大滿足你地食餐飽！
除此之外，她還預備了禮物給同學仔抽獎，先抽號碼再由同學仔自己揀心水禮物，佢竟然細心到25個同學但有30份禮物，因為佢要最後一個同學抽禮物時仍然有選擇權揀禮物喎，真係愛c你呀⋯⋯Miss Lau!
仲有約半年就畢業了，我好唔捨得佢呀！老師係咪唔可以收禮物架，除了thank you 卡，我可以做d咩表達我對佢既感激呢？
2013年12月13日星期五
好驚
囡囡成日想食田鷄焗飯，其實我好怕買同洗田鷄架，不過做咗人地阿媽就好多野都要頂硬上！
今晚佢又要求食田鷄了，我又驚又怯地去買同洗了！點解我咁驚都肯為佢煮？因為上星期考試，已出了成績，今次d卷好難，平時A的同學全部跌哂去C呀（好在囡囡仲可以保住個B），最重要的英文少了15分，數學亦比預期少11分呀，不過我冇怪佢或者話佢！因為佢放學打俾我已同我講佢好唔開心，在學校時仲喊了一場，我仲點夠膽再話佢吖，佢話幾個老師都已經在堂上鬧了佢地一大餐喎，不能想像幾個小朋友在課室大喊既情形究竟老師有咩感覺呢？
我唯有安慰囡囡幸好上次考得不錯，平均拉勻應該OK既，而且失手都不足為奇吖，冇理由長勝將軍次次高分永不失手既！希望佢地EQ高d睇得開d啦，雖然暗地𥚃我都擔心及緊張既！
呢輪我成日好早就眼瞓個人十分累，大約晚上十點已在飯廳睡著了，但心想累都正常吖，朝早6點3成身，晚上10點都應該累啦！不過唸唸下個女都6點8起身啦，但好多時做功課都要做到十點幾十一點喎，難道佢又唔累咩？
所以話説回來我唯一可以做的是煲佢愛飲既湯，煮佢愛食既食物俾佢，不過我真係好驚d田鷄架！
訂閱：
文章 (Atom)