好人好事

同我跟進開病症的醫生（Dr. Peter Anthony Fok)要調走了，有d唔捨得呀，佢好好人又有耐性聽我講野，難得遇到好好既醫生好感恩呀，成日聽人講政府醫生同姑娘好差，今次好彩遇到的都好好，要幫佢地平反呀,希望呢個醫生以後工作順利，繼續仁心仁術！

今次呢個病令我發現錫我既朋友同親人都對我好好呀，要珍惜呀！而家搵到隻啱既藥希望快d好番，可以再重新出發！

捨不得妳飛

我知道囡囡會一日一日長大，不過大得太快啦！

本來每晚都要我陪住瞓覺，我好享受呢一個時刻，前日佢突然之間同我講唔需要你陪了，我自己可以訓啦！我突然之間覺得好傷心，原來佢已經唔再需要我啦，唔洗陪瞓冇得拖手，好hurt 好 down呀！

我知道佢要飛我唔可以綁住佢，我只可以默默背後支持而且要適時地放手了，我知道佢要獨立，不過我真係好唔捨得呀，可能我既世界太細喇，家庭是我既全部，我竟然默默咁流淚，好傷心呀！

希望我能夠好快適應呢段適應期啦！

升中二了

暑假完了！囡囡今日開學升中二了，新一年新開始希望一切順利，希望有好的同學好好相處，希望有好的班主任及老師教她；而我自已亦希望有好的生活好的開始，阿們！

P.S. 上中學後的第一份禮物，數學科成績傑出獎，好開心呢算是小小鼓勵吧！

生蛇

上星期五（14/8/2015）晚媽咪覺得好頭痛--神經痛十分辛苦，睇了醫生仍不能止痛；星期六再睇另一個醫生，結果竟然係「生蛇」呀！！！

其實媽咪之前已經打咗「蛇針」（預防疫苗），估唔到仍然不能避免，希望佢快d好番唔會咁辛苦痛咁耐啦！

快

時間真係過得好快好快呀，眨下眼仲有兩星期便放完暑假了；不過媽咪話覺得時間過得快即係生活過得開心喎，咁都好既不過有d唔捨得啫！

今年照舊仍然有一年一度的暑假家族大旅行（35人），愈來愈多人參與呀，不過只是兩日一夜的回國內住一晚酒店咋，冇咩特別行程㗎，因為要遷就老人家嘛，當中有幾位八十多歲的老人家，而且姑婆更加九十多歲了，腳不太好，當然冇咩行程方便佢唔洗行咁多嘛，不過氣氛愉快大家都好開心呀！

願望

願我及我的家人我的朋友，全部都身體健康，笑口常開，生活愉快，幸福滿滿，主恩常在！

囡囡織給我的電話袋！

時光飛逝

時間過得真快已經一個月冇寫blog了！囡囡開始放暑假了，之前擔心考試成績，結果好好呀（全部合格), 應該可以升班啩，不過11/7先有成績表呀！

尋日一早7:30俾佢morning call我去游水，老骨頭要岀動了！今年暑假冇報名學任何野，之前辛苦了9年今年休息一下吧！

欲速則不達

6月份了，一切都很平靜！下星期囡囡要開始為期兩星期的考試週了，我沒多大要求升班便可以了，看似簡單其實亦不簡單呢，因為只要主科一科不合格便會留班了，沒有補考的！小學時科科咁高分從來不會擔心不合格，估唔到上了中學我只要求合格便心滿意足了！

之前我有d情緒上不太好，現在唸通了少少啦，有d野欲速則不達，俾d時間多d禱告，適當既時候天父便會安排的，要繼續正能量呀！

鬆一鬆

呢幾日唸通咗少少啦，一定會愈來愈好的，加油呀！各位母親節快樂！

等待中的陽光

悲觀既人眼看所有事都係灰色既，我絕對擁有一顆悲觀既心！

幸好喺blog內仍有一些正能量既朋友在為我打氣，雖然仍然未變得番陽光氣一點，但仍然會努力祈禱祈禱再祈禱的！

我的心哪，你為何憂悶？為何在我裡面煩躁？應當仰望上帝，因祂笑臉幫助我？我還要稱讚祂。（詩篇四十二章5節）

忐忑

最近心情又好低落了，莫非患了驚恐症？好冇自信心情好差呀，乜都擔心乜都驚，可能自己一個人既時間多咗，多咗時間胡思亂想，想做d野，又發覺有心無力，自信心又去到零了，究竟幾時可走出困局？只差一步，但偏偏呢一步寸步難行丶舉步維艱，唉..........只有祈禱，不斷祈禱，希望天父開一扇門給我吧！Amen!

台北-5

總括來說台灣既行程係食，食，食同埋都係食！

呢站係上引水產，食魚生海鮮為主，不過超級多人呀！

之後順路去水果市場～

不得不提這款釋迦果，非常香甜好味，是台灣獨有的呢，一定要試！

夠鐘出機場了，7:40pm的機一再delay, 唯有去醫肚先！

機場既牛肉麵質數都唔錯，好味！

再周圍逛下先，去到長榮航空既Hello Kitty候機室！

終於在晚上9點10分可以起飛返香港了，到港拎埋行李回家已零晨1點半了，很疲倦呢！

四天行程完滿結束了，其實有好多野都冇影相呀，因為掛住食唔記得俾相機食先啊！

台北-4

一早起身去坐貓空，欣賞下台灣風景！

之後經過木柵動物園又行一陣！

去到世貿站101既「鼎泰豐」食小籠包，要排長龍呀，太肚餓了，唔等喇！

Food court一樣食得好開心好好味！

再上101感受一下，37秒就上到89/F了！

再行上兩層睇下！

之後再搭捷運去西門町行下食下先！

呢間馬辣火鍋好出名，不過麻辣火鍋食唔到了，怕辣呀！