充實的復活節假期18-4-2014

復活節假期好充實呀，一日去了世界之窗，一日去拜山，一日踏單車，最後一日要休息了，好疲累呀！

十多年沒去過世界之窗，今次係想帶囡囡去睇下，入場費每位一百六十蚊人仔！

晚餐在福田假日廣場既[四海一家]食自助餐，美滿既一日呀！

近況10-4-2014

食咗廿幾日降血壓藥下壓有時可以低少少，不過大部分時間同冇食藥一樣咁高！驗埋膽固醇又係超哂標，莫非又要食藥？？？

***

總膽固醇超過240mg/dL屬於高血脂！

唯一最開心係呢個半月食咗情緒藥個人冇哂火，從未如此平靜過，我直頭想長期食唔想俾佢停呀！

醜婦終需見家翁

終於都要去睇醫生食血壓藥了，觀察了三星期，下壓始終不能回落，常常過1⃣️0⃣️0⃣️大関，媽咪話佢太擔心了，叫我不要再拖，一於食降血壓丸，其實次次量都咁高我自己都擔心架，不過當然希望有轉機啦！

久違了的味道

我d口味有d似我daddy，我女口味又似我，女有日突然想飲豬肺湯同食豬肺，這個高難度考起我了！於是去鴻福堂買包湯包啦，成＄48蚊，當然唔好味啦！

同我媽傾開電話講了這件為食事件，竟然兩日後媽咪買了並洗乾淨爆好哂d豬肺通知我拿回家煲湯，巧感動呀！通常只有daddy洗得郁媽咪做呢d麻煩野架咋，但daddy已經唔喺度，咁而家又點會有得食呢，但今次竟然破天荒為我做，真的好偉大呀！

平靜

呢幾日食咗藥個人心情平靜咗，不過成日都好眼瞓，但的確火氣冇咁猛，自己都覺得自己和善咗呀，希望遲d唔靠藥物都可以咁冇火啦！

情緒

今日睇咗醫生喇，在醫生度量血壓更高，下壓9X上壓更去到167，不過醫生話可暫不吃藥觀察兩星期及寫下紀錄的度數俾佢睇再決定！

但另一方面要食兩星期控制情緒藥，因為我又失控了，在醫生房內又流馬尿了，希望這次d藥可令自己鬆一鬆吧！不過我冇話俾媽咪知我食呢d藥呀，因為我今早才陪佢去做白內障手術，我不想佢擔心呢，而且佢尋日仲生日添，只希望佢可以開心生活，身體健康已很滿足了！

血壓

呢排情緒成日起伏好大，好容易激動，俾阿女激一激，一下子就出現火滾情形！突然心血來潮用個血壓計check下，嚇c我了！以往我的下壓是6x上壓120-130左右，呢次係上壓130下壓98呀，試過好多次，下壓都係過90；唉，我唔想成世要食藥呀！）））