14-11-2014（Day 5)

正當我工作上開始已適應時，又通知我暫停一下不用返工了，原因係做得太快暫時唔需要兼職了！

噢，真係唔知高效率原來不是好事，咁唯有抖下先，要努力按低我心中團火先得，返工返得咁起勁咁開心竟然突然被剎車叫停，希望心情不要失落太久吧！

離群

最近一星期社會氣氛都差，佔中反佔中學聯大學生，周圍充斥着不愉快的氣氛，電台電視社交網站都講呢d，令人情緒好差，不期然令我都好唔開心！

咋晚囡囡曾就讀的幼稚園有一個升中重聚日的活動，邀請所有當年一齊畢業既幼稚園同學及家長出席聚會，我一向怕呢d聚會，不過囡囡又好想參加喎，咁我呢個阿媽唯有頂硬上陪佢一齊出席啦！囡囡同一個當年幼稚園唔同班但小學又一齊讀既同學一同作伴，可憐我又孤零零的一個，見番當年既同學仔同家長我都少少開心既，不過囡囡反而同自己班既同學零交流，所以我都顯得格格不入自己坐埋一邊，好不容易捱了兩個半小時以為甩難可以散會了，但臨走時一位家長滿腔熱情叫她囡囡及我女一齊影相，之後問我攞電話號碼當晚還把我加入了群組呢，0h my God，最怕應酬的我又立刻變得情緒不安了，可能我同呢班家長唔啱咀形啦，我覺得一齊時冇共同話題好辛苦呢，退出群組又好似不太好，唯有一路唔回應啦，唉，點解我好似好難合群咁既，總是在不適合的人群中穿插，總是難碰到啱key既人！

近況10-4-2014

食咗廿幾日降血壓藥下壓有時可以低少少，不過大部分時間同冇食藥一樣咁高！驗埋膽固醇又係超哂標，莫非又要食藥？？？

***

總膽固醇超過240mg/dL屬於高血脂！

唯一最開心係呢個半月食咗情緒藥個人冇哂火，從未如此平靜過，我直頭想長期食唔想俾佢停呀！

十六年前既今日

今日係我同老公既結婚週年呀，不經不覺十六年了，不長也絕對不短的日子，直至尋晚我都忍口唔提佢，好在今朝一早佢已問我記唔記得今日咩日子喎，即係佢記得啦！

今晚我地在家打邊爐慶祝，佢放工買咗三隻大蟹及兩大個日本水蜜桃回來，全部都係我愛吃的，不需什麼名貴禮物，佢記得今日加上咁有我心買我愛既食物已好心甜了，希望我地未來既日子會更好更開心更愛對方！

近朱者赤, 近墨者黑

                                          

唔會想好勤力寫blog, 因為唔想又寫負面野, 不過要發洩負能量, 所以又做勞騷王了~煩請忍耐!

我既世界好細, 圈子好細, 朋友亦好少, 但潛意識有時又唔想自己咁, 我個人比較慢熱亦不主動, 但一熟絡後其實都ok健談架~, 不過我好容易受人影響, 好在細個我冇識到壞人啫! 而家每日送女回校後我總唔會同其他人去食早餐, 我寧願自己去食仲c服, 唔知係內向定孤獨精呢(可能唔啱傾掛)?

媽咪其實個人都好nice, 不過又係唔鍾意同其他人去social(不過又怕悶唔鍾意自己一個人o係屋企), 所以我有時真係覺得好大壓力呀, 一有假期便追問我有咩節目去邊? 我同
囡囡既節目佢又唔啱, 阿女好容易攪~可以去迪迪尼, 書局, 圖書館, 遊樂場, 溜冰........., 但媽咪呢d野都唔啱(佢眼唔夠精神睇書, 腳唔夠力行, 亦冇心機), 只最啱食野,飲茶, 行超市, 所以電話一到問我去食咩去邊到我便頭痛了~~~ 

聽日五一假期老公要返工, 媽咪又問我聽日點安排喇, 唉...........當然要睇阿女放學後幾多樣功課先講啦, 我又燥狂了, 事事唔順眼, 句句唔啱聽了! 真係好明白任何人都不可依賴別人, 要自己安排自己過得最合適既生活, 每人習慣不同呢!

講番容易受人影響, 我少同外界接觸(亦唔想接觸), blog及私人fb例外, 我接觸最多係老公, 囡囡同媽咪, 所以屋企既煩瑣事已好煩, 媽咪既負面情緒我不但冇本事去扶佢正面d, 基本上連我自己都被拉下來了!

煩惱絲

 

果然係三千煩惱絲, 個髮型又開始攪極都唔順眼了, 之前個頭髮型師又話可以頂到二月新年都唔洗整既, 仲有四個禮拜先新年, 點好呢?

2013~新開始

***呢個聖誕節假期我地好癲呀~~~~~兩日海洋公園, 兩日迪士尼樂園, 兩日回校錄影, 兩日做宅女完全唔出街狂追功課(因為有成28樣呀), 不知不覺假期便完結了, 夠盡情吧, 橫豎假期都不會溫習吧, 不如玩盡D啦~

囡囡今日開學喇, 一切正常了! 下星期又開始陸陸續續地考因中英文默書, 之後又是考試開始了, 不過生活就是如此順著去做便是了!

新一年希望好好控制自己既脾氣, 用"愛"心好好對自己及家人, 最希望身體健康, 希望自己思想正面+樂觀, 好好珍惜及活好每一天~

2013好的開始, 新的開始~~~~

2012年12月12日中午12點去咗邊?

                   

尋日囡囡學校假期, 所以 我地2012年12月12日中午12點去了迪迪尼玩呀, 當然係為咗亞女啦, 我好多野都唔敢玩架, 年紀愈大, 人變得愈冇膽了, 去感受一下開心氣氛都好既, 老公還送了年票給我們可去多幾次呢~

又來

2011年12月15日上午11:15朋友累積瀏覽 51 14

這令人痛到寸步難行的腰痛又來探我了, 希望今次可快快恢復過來吧!

***p.s. 立即煲了一個鮮淮山, 土伏苓, 龜版, 栗子煲烏雞湯今晚飲,
下晝再整個豬腰酒補補身先(我囡囡都好like飲架!

我思我想

                    

好多blog友都好關心地問我最近點解唔update個blog, 其實一來我既自由時間唔多, 有時只足夠偷偷地巡blog, 有時心情唔好唔想打負面野影響其他人, 所以只去巡blog探人便算了!

其實人真係會受他人影響架, 我不嬲都算是一個"負面人"~唸野唸唔開心既多, 雖然好想改變呢d思想, 但我始終見人唔多(獨處多d), 所以.......!

最近個多月媽咪來了同我一齊住, (自從daddy唔o係到度之後, 媽咪成日心情都唔穩定), 大家一齊同一間屋仲難攪, 我心情唔好會唔出聲講野會冇高低音, 媽咪一定feel到啦, 佢越撩我講野我越燥, 佢自然都唔好受啦, 不過我都唔想架, 但咁可以點啫!  呢幾日又到"生理期"了, 次次呢d時候身體都會差d, 所以"感冒"又嚟探我了, 今次仲"失血"太多, 個人又暈又虛, 但.......d家務又唔等得, 如果個銀包d$好似我屋企個"污衣籃"咁就好喇~~~~~常滿呀!

其實一至五既時間樣樣野係fix咗冇得轉, 所以星期六日我都好想出去抖抖氣放下自己, 但囡囡上星期唔合作呀, 星期五晚做唔哂d功課, 星期六早上又做唔哂(下午回校學奧數), 結果星期日都要在家做功課, 我頂唔順喇又發咗癲呀, 點解又要我用d眼淚來換佢用心做功課呢!!!! 下星期又測驗(即考試啦)了, 今年開始大把野要溫呀, 不過一d都未開始溫呀!!!)))))

快d~快d~快d

                   

瞓覺對我來說真係好大問題(真係好羨慕人地一瞓落床C豬咁呀), 晚晚都瞓得唔好!

唉~呢兩晚想好瞓D, 橫掂呢兩日有D敏感於是就食粒敏感藥啦(因為一食就會暈咗咁瞓餐勁), 但今次效果就強差人意, 可以瞓到不過狂發惡夢, 尋晚仲嚇醒呀; 我發夢自己不斷催促囡囡快D做哂D功課, 快d快d快d, 偏偏愈催佢愈慢, 激到我CC下想爆炸咁滯!

C啦~點先可以叫自己鬆番D呀, 真係驚自己頂唔順啦!

唔可以病架

                   

呢輪都唔知攪咩, d骨頭好痛呀, 特別係隻左膝蓋痛到cc下, d情況仲差過d老人家, 想追下巴士都唔掂呀!!!!!

做人亞媽病係最慘既, 自己都周身唔妥, 亞女仲24/12晚開始發燒, 生日(25/12)先來病呀, 食完藥ok啦26/12已沒事, 昨日29/12又開始傷風咳! 假期都就完結喇, d功課仍然未做完呀, 10幾樣功課, 份份都咁有份量(不過都真係好多, 昨日只做一樣中文工作紙-----6版要寫滿既, c未!), 仲話返學要考中默同dictation, 妳話啦我點可以病吖, 我仲要做監督架, 想佢自動自覺去做自己d野------哈哈----妄想呀! 唯有飲多幾杯coffee提起精神, 做妹仔陪小姐讀書啦!

另外28/12終於同囡囡去咗disney補祝生日, 雖然開心不過大家狀態都麻麻地, 我竟然一樣紀念品都冇買呀, 唔知點解冇哂mood既, 不過算啦冇所謂既!

又無事忙喇

                   

假期冇咩安排特別節目呀, 晏d囡囡瞓醒就同佢去揾婆婆(陪下佢啦, 始終大時大節佢d情緒仲差!), 老公今晚公司食飯, 我地一於o係婆婆家痴餐俾d野佢做下啦!

仲要去買禮物呀, 因為姪女25/12洗禮受浸呀, 我見人地好似要買d禮物仔架, 一於去look look啦!(不過我真係好開心佢信主同洗禮架!)

聽日平安夜不過我都要返工呀(10:30am-7:30pm), 不過老公攞咗假湊囡囡, 等婆婆唔哂過嚟湊呀!

仲未同囡囡去disneyland呀, 睇下邊日冇咁凍先啦!