咋晚囡囡曾就讀的幼稚園有一個升中重聚日的活動，邀請所有當年一齊畢業既幼稚園同學及家長出席聚會，我一向怕呢d聚會，不過囡囡又好想參加喎，咁我呢個阿媽唯有頂硬上陪佢一齊出席啦！囡囡同一個當年幼稚園唔同班但小學又一齊讀既同學一同作伴，可憐我又孤零零的一個，見番當年既同學仔同家長我都少少開心既，不過囡囡反而同自己班既同學零交流，所以我都顯得格格不入自己坐埋一邊，好不容易捱了兩個半小時以為甩難可以散會了，但臨走時一位家長滿腔熱情叫她囡囡及我女一齊影相，之後問我攞電話號碼當晚還把我加入了群組呢，0h my God，最怕應酬的我又立刻變得情緒不安了，可能我同呢班家長唔啱咀形啦，我覺得一齊時冇共同話題好辛苦呢，退出群組又好似不太好，唯有一路唔回應啦，唉，點解我好似好難合群咁既，總是在不適合的人群中穿插，總是難碰到啱key既人！
都有家長把我add入佢地群組的chat room, 佢地平時講D野我都唔太啱channel, 所以睇下就算, 又未致於怕同佢地相處, 但真係無咁多時間參與佢地D活動!
回覆刪除Whatsapp帶來方便亦帶來苦惱，有時真係話不投機半句多架！
刪除可以選擇不答話的。
回覆刪除我都打算這樣做！
刪除如果你和群組的人不是很熟，就選擇她們聊得非常開心的時候插話進去，會比較容易融入進去，多嘗試幾次就會適應了。
回覆刪除他們的話題多是樓市，股市，旅遊，我完全答不上呢亦沒興趣，所以應該會選擇沈默！有些人很投緣是不需找話題的，如果每次都話不投機，真的係難勉強，不過基於基本禮貌我才給予電話號碼咋！
刪除此留言已被作者移除。
回覆刪除群組呢家野我都唔o岩, o岩傾一齊傾ok, 但無野講又要keep 住個群組都唔知為咩, 曾經我退出左一個幾個月無對話 (零交流) 的群組, d 人又發晒癲問我咩事, 搞到我犯下了彌 天大罪咁.... 無言及無奈....
回覆刪除群組呢家野真係唔多啱我呀！
刪除可能嗰位家長都是基於禮貌才叫妳加入群組。一樣米養出千百萬人,人人性格也都不一樣,不可能為了埋堆就為難自己,一於啱就傾幾句,唔啱味delete佢囉,無壞架,又唔係同佢做人世,最緊要自己舒服,唔駛客氣亦都唔駛假裝好人來勉強自己。可能這樣做好寸,不過都係嗰句:做人千祈唔好害人,亦都唔駛就人,最緊要自己開心!!其他的....管他!!!!
回覆刪除我真係要好好學習灑脱呀，學習顧自己感受多於他人，我太唔錫自己了！
刪除妳太善良又唔識防人,須知道人善被人欺,馬善被人騎!!!!
刪除好人會成日被人蝦架,適當時要反一反佢,就好似佔中班學生咁,依家政府都要同班細路傾。
呢班大學生直頭巴弊啦，政府都冇哂佢地符呀！
刪除有好多嘢眼見不為真,耳聽不為實!!要用智慧去分析,所以我哋呢班c9都唔好評論咁多啦,一於係度繼續講吓自己心事和吐吐自己苦水算罷啦(*^．^*)
刪除啱聽！
刪除嘗試適應同唔同嘅人交流下，慢慢會有改進㗎，唔好收埋自己。 ^^
回覆刪除俾d時間我！
刪除我同你一樣好怕呢D情況
回覆刪除