邊個辛苦d? (已更新)

                   

囡囡開學了-------所以我沒有去探望daddy了, 但媽咪仍日日如是拎食物及需要物品俾daddy, 我就每隔幾個鐘頭就打俾媽咪傾計!

今日daddy又喊了, 當然媽咪都喊埋一份啦, 日日咁攪法點掂呀? 媽咪話佢自己隻眼已狀態麻麻, 再成日喊就快睇唔到野啦!

唉------想點吖? 病人固然辛苦啦, 但都冇計架, 但其他既人俾你咁樣精神弱待都唔好過架, 點解以前咁堅強而家會咁頹咁懦弱架? (我要為呢段說話向daddy道歉, sorry! 我跟本冇資格話佢懦弱因為佢真係真係好辛苦!)

如果佢知自己第日要調去律敦治/葛亮洪, 仲要住多一輪醫院先得, 我唸佢脾氣仲差呀, 唯有我同細佬日日心理輔導媽咪啦!

抑鬱?

                 

昨日又如常走幾轉, 一早迫囡囡早起同佢去奶奶屋企, 自己再轉車過海再去醫院會合媽咪探daddy, 見星期日daddy情況好似好d胃口亦大咗少少, 媽咪唸住唔煮粥水了煲d飯等佢食肥d啦, 點知一去到佢已經坐係床到發緊脾氣, 又話d姑娘: 已經咁瘦仲日日抽2筒血好辛苦, d亞嬸態度又差想要$, 我地梗係唔出聲啦, 媽咪開飯佢食又唔like了: "我好憎見到d飯呀, d肉都好憎呀, 妳地成日要我食野, 食10碗飯好唔好, 要食得落先得格,!" 又話去唔到"大大"好辛苦, 我話你都冇咩食邊有得"柯"呀? 不過佢都話自己呢幾日脾氣唔好, 我見氣氛嘛嘛地, 我話落樓下7-11買西梅汁俾佢, 等自己出去抖抖氣!

轉頭再入病房睇佢, 佢又要媽咪幫佢洗牙(d假牙要拿出來俾水沖走d食物碎), 又要媽咪倒哂d食物唔要, 我望住媽咪覺得好可憐!(雖然媽咪一d都唔介意), 攪掂哂d野佢話好累, 我地o係度佢好安心想瞓一陣, 好啦我地協助佢蓋好被褥啦, 點知一瞓好在床佢又o係度喊, 佢喊媽咪又喊, 兩老都喊咁既情況我都唔知點好, 安慰一下平靜下來夠鐘我地就走了, 落到樓下走出醫院時, 媽咪話其實我落去買野時daddy又喊過, 唉點算呀! 唸唸下我驚佢抑鬱症睇唔開呀(又成日喊, 又話成日麻煩人地), 打電話上去俾nurse叫佢通知醫生留意下先!

下晝陪媽咪食野再回娘家幫佢攞d被套去乾洗及磅洗, 大家都疲憊不堪時, daddy又打俾媽咪話叫人幫佢放大便但唔成功, 不過褲子污穢了叫媽咪幫佢攞d新既到醫院, 本來昨日我唸住晚上唔探佢了( 因為囡囡都就快開學都要預備一下), 唯有再陪媽咪去多轉啦, 不過我冇入病房呀, 免得佢尶玠啦, 媽咪都唔太c服我陪佢食埋晚飯先自己回家啦! 老公就放工回奶奶家食飯再順便接女回家, 好累好累真係好累!

我都明白daddy住在病房好可憐, 眼唔好耳又唔好, 人又瘦日日俾人抽血驗呢樣驗o個樣, 自己一個俾isolate在房內個個wear口罩當佢生人勿近, 但有咩辦法啫, 佢在醫院有人睇住唔怕, 我唯有多d開解媽咪啦, 不過囡囡開學後返一星期半日我便走唔開了, 希望佢一日比一日好轉及有進步啦!

好擔心好擔心

                                           

星期四一早收到唔開心既消息, 我爸爸(即囡囡公公)入了醫院, 突然呼吸唔到call了白車, 細佬中午又要趕回公司, 我便拿拿淋換衫先坐車同囡囡去奶奶屋企安頓之後, 再飛的去東區醫院, 1:30去到在急症室等到2:30先上房, 再等醫生等到4:40先出現, 我冇食野企足幾個鐘, 醫生話要留院(要照肺, 抽血, 驗痰, 心電圖.....), 5:00pm我要抖抖了, 在男病房係冇女洗手間架, 我落樓下食d野(5:00先食我既lunch)順便去toilet, 5:30pm探病時間又入去陪佢, 一d好心但又好煩既親戚10幾人來探daddy, 我都覺得daddy好辛苦呀, 不斷去檢查, 想抖下又不斷有人來探, 又氣喘又要應酬佢地, 之後想去"大大", 但又一大班人在等佢"大大"之後同佢傾計(探病), 咁既環境點會有心情"出"吖, 點解d人咁唔識do架, 佢係病人泥架, 使唔使咁busy呀! 8點探病時間完畢, 老公放工後來接我, 我地再去奶奶家接囡囡回家!

尋日一樣我一早同囡囡去奶奶家再去同媽咪一齊, 我其實好累好累, 但唔緊要最緊要daddy冇事, 點解咁耐仲未有report架(已經兩日喇), 究竟醫生會唔會唔話俾家人知架!

daddy昨日情緒都好差, 可能昨日要轉去隔離病房(因痰內有肺結核菌), 之前我只在爺爺唔o係度見過一次daddy喊, 但昨日佢已喊了兩次, 呢輪媽咪又成日喊, 其實我自己都好眼淺, 但我要自己要支持住因唔可以影響佢地, 我呢兩日都靠祈禱希望神給我力量唔好喊, 好擔心好擔心!!!!!!

兩日一夜團

                   

星期二(24/8)-----8:00羅湖集合出發了, 食完風味午餐(幾好味), 四點幾番到別墅式酒店了, 一幢有8間房, 不太大但環境幾靚幾c服! 之後去浸下溫泉先, 囡囡好興奮呀逐個池玩, 又spa又咖啡, 玩一陣又到薰衣草池幾happy; 夠鐘就去晚餐先(呢餐要求唔高都ok既), 不過我懶得之後又換衫再去溫泉, 所以.........泳衣外加件衫就食飯lu, 囡囡覺得好新奇(因為佢著住件浴袍食buffet呀, 幾攪笑)!

第朝一早食完早餐, 佢兩個又心思思再浸溫泉呀, 我唯有都一齊陪浸啦, 可能夏天關係, 浸溫泉算係淡季所以好少人好c服, 之後又出發去食午餐了!

有surprise.........今日老公生日(825), 導遊小姐突然宣佈有人今日生日, 公司預備了生日蛋糕, 所以食完lunch, 老公便要吹蠟燭分蛋糕了, 但囡囡係最開心呀周圍話俾人知今日佢爸爸生日呀!

5點多玩完兩日一夜團後回到深圳灣, 我地落車先再轉巴士去埋"四海一家"一於玩盡d食埋buffet先返香港, 9點幾到達家門了, 呢個假期安排得唔錯一家三口都好開心呀!

拍拖

                   

其實呢個暑假都同囡囡拍過幾次拖, 去睇咗TOY STORY 3, 史力加 3, 去書展, 去食DINNER BUFFET, 去媽媽同學既gathering啦, 呢D節目都冇預爸爸既, 因為佢又忙又冇興趣, 唯有媽媽同囡囡兩個去拍拖啦, 都好sweet既!

而且囡囡會張d戲票, 書展入場卷之類keep起哂, 仲寫低係同媽咪去tim, 留低一個美好的回憶都唔錯既!

全力趕工

                   

仲有三個多星期暑期便完結了, 但囡囡仲未做哂D功課喎, 昨日全日唔去街(真係連餸都唔買), 要佢全力開工做多D, 真係人仔細細做到佢頭暈暈呀! 攪足成日都只係做咗半本數學同大半本英文, 結果都仲有半本英文剩低未攪掂, 算啦放佢一馬啦, 晚上可休息睇電視啦!

婆婆仲話鬼我呀, 咁殘忍要佢做咁多, 我都係為佢好啫, 拿拿淋做哂玩得安心d呀, 日日問都話未做完, 妳唔怕煩我都怕啦, 其實我不嬲都唔鍾意d野拖泥帶水, 所以佢一慢吞吞時, 我就成日都要催佢架, 我既口頭禪就係----quick quick quick, quick quick quick, 快d, 快d, 快d!

好好味的buffet

                
不嬲都係飲飲食食最開心架啦!

話說生日去咗食buffet呀, 上星期試咗dinner buffet好好味好正, 正日再去食埋個lunch buffet 先, 係同不同既人去食既! 當然dinner正d啦, 差$2xx喎, 不過以lunch buffet來說都已經好好味了!

呢次係去tst----royal garden(帝苑酒店)呀, 估唔到幾年冇去, d野食正咗咁多!