星期四一早收到唔開心既消息, 我爸爸(即囡囡公公)入了醫院, 突然呼吸唔到call了白車, 細佬中午又要趕回公司, 我便拿拿淋換衫先坐車同囡囡去奶奶屋企安頓之後, 再飛的去東區醫院, 1:30去到在急症室等到2:30先上房, 再等醫生等到4:40先出現, 我冇食野企足幾個鐘, 醫生話要留院(要照肺, 抽血, 驗痰, 心電圖.....), 5:00pm我要抖抖了, 在男病房係冇女洗手間架, 我落樓下食d野(5:00先食我既lunch)順便去toilet, 5:30pm探病時間又入去陪佢, 一d好心但又好煩既親戚10幾人來探daddy, 我都覺得daddy好辛苦呀, 不斷去檢查, 想抖下又不斷有人來探, 又氣喘又要應酬佢地, 之後想去"大大", 但又一大班人在等佢"大大"之後同佢傾計(探病), 咁既環境點會有心情"出"吖, 點解d人咁唔識do架, 佢係病人泥架, 使唔使咁busy呀! 8點探病時間完畢, 老公放工後來接我, 我地再去奶奶家接囡囡回家!
尋日一樣我一早同囡囡去奶奶家再去同媽咪一齊, 我其實好累好累, 但唔緊要最緊要daddy冇事, 點解咁耐仲未有report架(已經兩日喇), 究竟醫生會唔會唔話俾家人知架!
daddy昨日情緒都好差, 可能昨日要轉去隔離病房(因痰內有肺結核菌), 之前我只在爺爺唔o係度見過一次daddy喊, 但昨日佢已喊了兩次, 呢輪媽咪又成日喊, 其實我自己都好眼淺, 但我要自己要支持住因唔可以影響佢地, 我呢兩日都靠祈禱希望神給我力量唔好喊, 好擔心好擔心!!!!!!
早發現當然容易攪啦, 但佢拖咗好耐, 由09年8月感冒之後個人一路差跟住暴瘦, 咳嗽多痰氣喘, 但佢好硬頸冇人可以迫佢去照肺或睇西醫, 但佢越來越辛苦, 先肯去睇一個老中醫, 呢個醫師都好好, 但亦勸佢如果唔照肺片, 唔知邊樣點醫? 肺氣腫, 肺結核定肺炎呢? (但我知爸爸一直唔肯面對係因為好驚, 我爺爺是肺癌死的, 而佢自己都食煙好多年, 所以佢好驚, 驚到雞,鴨, 鵝, 牛都唔食, 由以前140lbs至在醫院磅係101lbs)其實肺結核我地唔係咁驚, 但未入院前去過一間診所睇醫生, 個醫生安排咗佢照肺片, 3日後12:00睇報告, 但在睇報告既當日早上9點佢又抖唔到氣, call咗白車入急症室, 媽媽好心急想知個report所以打電話俾西醫問report點結果, 個醫生話你肺cancer, 仲要係未期, 我媽當然癲哂啦, 但急症室話佢地只會睇自己既檢查如果, 但上星期四入院到今日已6日了, 我仍然未能見到醫生一面, d護士話而家發現有肺結核就醫咗先, 不過都唔否定其他, 因要醫好呢樣睇下個肺片既黑影關唔關肺結核事先喎!
回覆刪除