人性

                   

最近我仍然係無事忙，下個月又有一個表妹結婚呀，佢媽(即係我細姨)對我好好架，所以我會盡力幫忙佢地，包括心理輔導雖然我自己都唔叻！
呢個新年我見到太多人性了，認叻原來要包埋踐踏人ga, 不論男家女家都一樣, 我不嬲把嘴都唔叻所以多數做啞巴, 不過仍然會嬲會唔開心架！

點解要開解亞姨? 結婚本來係開心既, but一連串嘅問題來了，個男仔做咩行業架？有冇錢？屋企有咩人？有幾多金器？其實佢地已同居一輪啦又唔生bb, 不過因為要同父母及親戚交待啫! 呢個表妹唔叻唔靚, 不過好有義氣又唔貪心又抵得唸, 所以我同媽咪都幾錫佢架, 不過呢d一連串既問題便令姨仔好唔開心了, 更離譜是有d親戚更話亞姨應該點點點教女先得呀, 妳自己唔叻呀妳又唔識教呀, 點點點呀.........(其實佢自己都沒生有小孩的, 我覺得你又有咩資格去教訓人呢?)
(之前佢都有同我講類似說話啦, eg:我個女第日唔會叻呀, 因為佢父母都忠忠直直呀, 又唔滑頭唔識do.......之類呀!)
有d人又話要預多d位俾佢地坐呀唔好咁迫呀, 有兩個一兩歲的BB都要坐位置啊，仲要預埋兩個工人啊, 點解咁多煩人架！

其實我覺得佢地兩個鍾意又係正經人家結婚咪ok囉, 點解d人咁多事幹架, 總係憎人富貴厭人貧, 其實人地又冇問你賒又冇問你借, 你理得人咁多做咩啫? 好多好多呢d野都令亞姨極度唔開心, 人際關係真係好麻煩架!

新年要快樂+新年要進步

                   

近日情緒控制得好差，常常失控，又係d功課，迫得我同囡囡甚至全家人都瘋了，我真係好想全部幫佢做哂呀~免得大家都唔開心！加上今年已五年班了，呈分試令人瘋癲，可惜愈擔心愈反效果，今次考試成績又有新低了！望住囡囡好似漏了氣既氣球，寫字好醜樣，放慢手腳hea做功課，甚至用睇電視都不能引佢快d做功課，爸爸查問一下功課進度囡囡便失控放聲大哭了，我亦失控了, 我帶佢嚟呢個世界但又令佢唔開心，幾十歲人d情緒都控制得咁差~好失敗呀！

如果有本事讀到大學既話，都仲有最少12年要讀書，而家先10歲，究竟點樣調適番我地既心態呢，去邊度搵咁多正能量去支持呢！

仲有一星期多就新年了，希望踢走哂一齊負能量，新的希望新的開始，最緊要新年進步，大家都要新年快樂啊！

唔知自己煩

                   

點解d人唔知自己煩架呢，之前既post講過有個煩人家長成日whatsapp問攞功課，今日又來問我另一家長既電話，我當然唔俾啦, 人地俾我啫冇話俾你喎，之後仲問我知唔知佢住邊度喎，冇野呀嘛，人地個地址我更加唔會俾你啦！強國人真係有佢地既特性，始終都真係怕咗佢地呀！

吃力

                   

考埋今日終於都考完試啦，我都覺得好大壓力呀，因為今年d野深咗好多呀，連音樂都要考試，而且唔止考唱歌及吹牧童笛，更要考拍子樂理咩咩G大調F大調....之類，對於我地呢d冇學開彈琴及樂器既人真係好吃力呀！

出人意表

                   

唔知大家記唔記得囡囡之前考了一個"華夏杯"即奧數考試呢？當日場面好得人驚呀，人山人海，原來好多人去考呀，成二萬幾人呀！

囡囡考完出嚟已經垂頭喪氣話好難好難，連合格既信心都冇，我話唔緊要啦，見識下之嘛，預咗唔得架啦，我地都冇上堂！慢慢我地已經忘記了呢件事，點知前幾日收到封信原來囡囡奧數比賽中攞到三等奬呀！））））真係連佢自己都不敢相信呀！五年級共有四千多人考，其中二千三佰個肥咗佬（即係要再接再勵再考過），其他有獎既都可有權可報名再參加決賽，俾$280報名費及交表即可！

在我而言當然唔考啦，上次都咁鬼難，難得過到關便算了，但老公又覺得點解唔去試下喎，俾個機會自己或者得呢？儍啦，邊有咁易吖，當你見過d試題就知唔讀過既人根本冇可能識做架(全部要背方程式架)，我唔想再為難個女咋！囡囡都好難決擇，因為自己又冇信心又驚浪費我地d$，但爸爸又話一試冇妨喎，父母既意見不一做仔女既最難做呀！

而家學校考緊試, 仲有少少時間遲D先唸啦!

煩惱絲

 

果然係三千煩惱絲, 個髮型又開始攪極都唔順眼了, 之前個頭髮型師又話可以頂到二月新年都唔洗整既, 仲有四個禮拜先新年, 點好呢?

有好, 有唔好的~whatsapp

                   

自從用了智能手機之後的確好開心, 因為方便咗好多, 特別係方便我追my tv!

但愈來愈覺得whatsapp唔好了, 有一個家長好煩呀, 成日來問我女要學校d野(唔同班架), 功課啦(佢個仔唔識改喎), 一時又話quiz卷唔識改, 又話唔見咗d worksheet叫我whatsapp send俾佢, 一次半次都ok, 但我覺得已到煩擾既程度了, 好多時囡囡都好唔想俾d卷佢地, 但我又可以點做呢? 煩煩煩呀, whatsapp 唔可以扮收唔到睇唔到家嘛~