新年要快樂+新年要進步

                   

近日情緒控制得好差，常常失控，又係d功課，迫得我同囡囡甚至全家人都瘋了，我真係好想全部幫佢做哂呀~免得大家都唔開心！加上今年已五年班了，呈分試令人瘋癲，可惜愈擔心愈反效果，今次考試成績又有新低了！望住囡囡好似漏了氣既氣球，寫字好醜樣，放慢手腳hea做功課，甚至用睇電視都不能引佢快d做功課，爸爸查問一下功課進度囡囡便失控放聲大哭了，我亦失控了, 我帶佢嚟呢個世界但又令佢唔開心，幾十歲人d情緒都控制得咁差~好失敗呀！

如果有本事讀到大學既話，都仲有最少12年要讀書，而家先10歲，究竟點樣調適番我地既心態呢，去邊度搵咁多正能量去支持呢！

仲有一星期多就新年了，希望踢走哂一齊負能量，新的希望新的開始，最緊要新年進步，大家都要新年快樂啊！