心赤赤

尋日同學校一齊放學後參觀中學，點解揀星期四吖，活動完都成六點了，功課都未做星期五又要中默，攪到成十一點半先有得瞓！

囡囡六點幾起身忙到放學已筋疲力盡了，仲鬼咁多功課，佢一路流哂眼水打哂喊路咁望住d功課發呆呀！到瞓覺時就一路流眼淚話點解自己做得咁慢咁冇用，做媽媽既真係心都赤埋呀！

日日唔食得唔瞓得只是做做做，究竟為咩呢？

吃力

                   

考埋今日終於都考完試啦，我都覺得好大壓力呀，因為今年d野深咗好多呀，連音樂都要考試，而且唔止考唱歌及吹牧童笛，更要考拍子樂理咩咩G大調F大調....之類，對於我地呢d冇學開彈琴及樂器既人真係好吃力呀！