唔work

唔 w o r k

2011年12月1日上午11:35朋友累積瀏覽 35 15

呢幾日都好累呀, 因為呢幾日都過海幫媽咪間新屋打點, 每日來回兩轉去"迷你倉"攞野回家再放番好(因為媽咪都好大壓力呀), 以前佢慣咗間屋唔整齊, 而家靚靚新屋~~~細佬個女友成日上來巡裝修, 因為第日結婚之後佢地o係度住嘛, 所以細佬唔俾媽咪d野周圍丟, 媽咪就派我返去幫佢"汁"返好d野喎!

我朝早湊完女再過海回娘家開工, 搬搬抬抬幾個鐘之後回來湊女, 之後再同囡囡一齊去買餸回家, 再同自己屋企開工整餸, 洗衫接衫"吼"住囡囡做功課~~~~~~好累好累!!! 而且可能唔做慣搬搬抬抬既野, 所以d手臂都好痛呀! 平日我"洽"眼瞓既話一杯奶茶就可以醒神過來, but........呢幾日唔 w o r k 呀, 而家再飲緊第二杯既coffee了, 仲有咩方法醒神d呢(我飲普洱茶日頭係提唔到神呀)??? 

尋日累得滯湊完女放學我竟然唔去買餸呀!!!!!!! 攤o係屋企成五點先去雪櫃搵下有咩可以食啦, ..................結果係醃件雞扒+意粉醬炒意粉啦, 冇菜咁點呢????? 好在有一罐菠蘿即刻再開多罐椰果, 加埋粟米粒, cut埋蘋果粒, 一於食沙律啦, 囡囡最開心呀(因為唔洗食飯吖嘛):p! 今日媽咪約咗人去唱k~~我休息下啦!

我思我想

                    

好多blog友都好關心地問我最近點解唔update個blog, 其實一來我既自由時間唔多, 有時只足夠偷偷地巡blog, 有時心情唔好唔想打負面野影響其他人, 所以只去巡blog探人便算了!

其實人真係會受他人影響架, 我不嬲都算是一個"負面人"~唸野唸唔開心既多, 雖然好想改變呢d思想, 但我始終見人唔多(獨處多d), 所以.......!

最近個多月媽咪來了同我一齊住, (自從daddy唔o係到度之後, 媽咪成日心情都唔穩定), 大家一齊同一間屋仲難攪, 我心情唔好會唔出聲講野會冇高低音, 媽咪一定feel到啦, 佢越撩我講野我越燥, 佢自然都唔好受啦, 不過我都唔想架, 但咁可以點啫!  呢幾日又到"生理期"了, 次次呢d時候身體都會差d, 所以"感冒"又嚟探我了, 今次仲"失血"太多, 個人又暈又虛, 但.......d家務又唔等得, 如果個銀包d$好似我屋企個"污衣籃"咁就好喇~~~~~常滿呀!

其實一至五既時間樣樣野係fix咗冇得轉, 所以星期六日我都好想出去抖抖氣放下自己, 但囡囡上星期唔合作呀, 星期五晚做唔哂d功課, 星期六早上又做唔哂(下午回校學奧數), 結果星期日都要在家做功課, 我頂唔順喇又發咗癲呀, 點解又要我用d眼淚來換佢用心做功課呢!!!! 下星期又測驗(即考試啦)了, 今年開始大把野要溫呀, 不過一d都未開始溫呀!!!)))))

近況１４－１０－２０１１

2011年10月14日上午10:04朋友累積瀏覽 15 6

而家每日都好苦惱究竟買咩餸菜, 今晚食咩餸？以前一家三口是是但但隨心所欲咁買, 而家媽咪一齊住一齊食, 成日"嚴"我唔花心思唸餸~真係好煩！

其實而家媽咪負責煮不過我要負責買, 日日都問我打算買咩？點配搭？點煮? 囡囡明早煮咩俾佢拎飯？囡囡早餐食咩? 講真我以前真係冇唸呢d野架, 一入廚房一路煮一路唸鍾意整咩就整咩, 而家仲咁多野俾我唸真係........煩爆呀！！！其實我比之前更多野做呀，洗更多既衫更多既家務買更多既濕碎野，我之前成日話囡囡冇手尾Ｄ野周圍放，點知而家呢個仲要”唔話得”潻（要周圍追住佢”汁”手尾，　因為佢ｆｒｅｅ慣，鍾意ｄ野周圍放野，　ｂｕｔ我屋企我接受唔到囉）我係咪好鬼衰好唔孝順好唔夠包容既心呀，點解咁唔好心情咁ＤＯＷＮ既，佢成日話悶，我話我跟本唔得閒悶呀～ＳＯ　ＢＵＳＹ！

改變性格

                   

一個人既性格真係會影響佢成唔成功架!

話說前幾日湊完囡囡返學撞到一個老人家, 之前囡囡讀幼稚園時大家一齊等校車既家長, 已經三年冇傾談了, 佢仍然一貫既認叻性格, 之不過又抵佢認叻既! 她已經7x了, 同老公二人幫個仔湊兩個孫女, 一個幼稚園k3, 一個p.3, 佢日日早上六點幾到達孫女家負責買早餐湊返學再去買餸, 回家後洗衫熨衫整餸打掃家居, 中午細孫女放學了再安排午餐洗澡午睡做功課, 3點幾輪到大孫女放學了, 再奉上茶點後換校服再出發去課外活動(包括: 中國舞, 芭蕾舞, 畫畫, 游水, 珠心算, 鋼琴, 小提琴), 大細孫女唔同時間去活動既, 晚上7點幾再接佢地回家食晚飯做功課, 呢個"麻麻"仲要堅持晚晚煲老火湯, 我聽後"O"哂嘴之餘仲超級佩服佢既能力, 之後就好慚愧自己既無能!

所以話認叻既人能力真係係比較高架!!!

究竟人既性格有冇得改架呢可???))))))

快d~快d~快d

                   

瞓覺對我來說真係好大問題(真係好羨慕人地一瞓落床C豬咁呀), 晚晚都瞓得唔好!

唉~呢兩晚想好瞓D, 橫掂呢兩日有D敏感於是就食粒敏感藥啦(因為一食就會暈咗咁瞓餐勁), 但今次效果就強差人意, 可以瞓到不過狂發惡夢, 尋晚仲嚇醒呀; 我發夢自己不斷催促囡囡快D做哂D功課, 快d快d快d, 偏偏愈催佢愈慢, 激到我CC下想爆炸咁滯!

C啦~點先可以叫自己鬆番D呀, 真係驚自己頂唔順啦!

我要up up up!

                                                                                

唔知點解呢幾日心情都麻麻地, 成日都bad bad mood好down咁, 可能成日頭痛胃痛狀態不佳又瞓唔到所以影響心情掛, 不過咁樣都會好影響其他人架, 因為會脾氣唔好同唔想講野, 希望快d唸到方法可以up番d情緒上去便好了!