相處方式

人同人既相處的確好奇怪好玄妙！有血緣関係唔代表一定相處得好，只代表一定要見面啫，可能一d冇咩関係既朋友大家更懂客客氣氣互相尊重！

五月份既母親節姑仔約我地回夫家食飯慶祝母親節，我一心以為當然係買野食回去一齊食啦，其實嗰日阿女一早都要回校補課，咁我地五點先到奶奶家再看情況買咩一齊食啦！原來奶奶都唔知咩事，冇人通知佢慶祝母親節，佢仲煲哂湯準備去煮飯添，姑仔當然仲未見影啦，奶奶嬲到爆呀！我同老公叫佢唔好煮飯了，我地落街買野返嚟食同飲湯啦！當我地買哂蛋糕野食回來時，姑仔已到達了，奶奶塊面黑過隻鑊呀！其實我都唔明---唔通姑仔唸住母親節仲叫奶奶煮飯俾我地食？莫名其妙呀！

剛過去的端午節奶奶約大家星期日回家做節，佢唸住約星期日方便我地，因為星期一係假期！去到奶奶家先知姑仔一家都唔會出現，佢話因為佢個女星期四要考試喎，@@, 下星期四考試前五日都要食飯ga？咁都得！

其實姑仔個人好醒目圓滑，朋友多到不得了深得朋友喜愛，但偏偏同奶奶老爺就.......唔明、唔明呀！

放手

究竟為人父母幾時開始可以放手俾囡囡開始學習獨立，開始有社交活動呢？想當年我全個讀書時期都唔可以自己去街架！

我真係唔知呀，究竟幾多歳可以俾佢自己去街？其實由六年級開始我已經俾佢自己放學回家，當然最重要係因為佢已經有電話，一放學要立即打電話俾我先啦！考埋今日試已經考哂所有六年級要考既試，返多幾個星期學六年級便完了，要升中學啦！所以幾個同學仔約了明天一齊去行商場食午餐，佢地第一次自己出街咋，四五個十一二歳既細路去餐廳食野會係點架呢？好輪盡？好攪笑？最緊要安全返嚟呀！擔心C我啦，真係長憂99呀！

為食貓

呢幾日好熱呀，一早湊完返學一身大汗去食份早餐嘆杯凍啡先去買餸！

我份人好怕悶所以唔可以日日去同一個街市，所以我搭車去了他區既街市濕平，買得好開心好滿足呀！有人落足咀頭叫我買糭，本來冇打算買，後來又心軟了，一於一隻紅豆一隻綠豆啦，十五蚊一隻，盛惠三十大元啦，好在又幾好味喎yummy，拿拿淋冲番杯普洱消下滯先得！

食咗半隻先記得影相！

又狂掃貨

購物慾又出來了，一田大減價我又癲了，暴雨之下不停抬野返屋企！

總共買咗24個啫喱回家：p

大成功

好朋友放一星期大假，其中兩日俾咗我，佢係甜品高手，我地成功地一齊做咗兩款自家製既糕餅！bravo~

   朱古力綠茶蛋糕😋

   玫瑰花形鮮奶饅頭

好有滿足感呀！！！

Happy Mother's Day :)

囡囡整既Rainbow loom~~~~~

金句

很喜歡這金句，用來警惕自己，雖然不易做到，盡量啦！