近況

                   

成日都覺得好busy(因為一星期有三日都過海陪媽咪, 一日返工, 兩日陪老公同女), 原來好多日冇出blog了, hehe!

已經返咗兩次工(一星期一次), 仍然未慣, 一來已經4年幾冇做野, 二來又未做過呢行, 仲要一做就9小時(有大半日得自己一個), 食飯去toilet都唔便, 都唔知捱得幾耐, 次次做完一日返屋企要幾日先回到氣呀, 而呢日就媽咪幫我湊女放學, 老公放工媽咪就回家囉! 上星期仲要負責鎖門呀, 得自己一個傻更更咁, 仲未決定到仲做唔做呀, 呢d工所謂人工唔多"食之無味, 棄之可惜"!

part-time job

上星期五(3/12)去返咗一日part-time呀, 去咗間playgroup做receptionist, 唔太習慣呀, 因為我未做過呢d架, 都算好生意, 不過因為我自己都係新仔, d人入來報名時問有d咩course同幾$時, 我自己都未清楚呀, 得我一個又冇問人, d客報完名即刻俾$我又驚自己收錯$喎!

本來要7:30pm先收工架, 好在因為我冇key收鋪老板要返來鎖門, 所以佢唔想等我咁耐先叫我6:00pm走咋, 好開心呀唔使坐多個半鐘, 成日都冇去過toilet呀, 終於捱咗一日啦! (不過最唔慣係老闆係外國人, 我唔係幾慣同鬼佬溝通架, 個心好驚囉!) 我暫時只應承佢一星期做一日, 因為太長時間了(10:30am-7:30pm), 咁我仲要take care個女d功課同屋企嘛, 不過坐咗成日腰骨都痛哂呀, 呢d$真係唔易賺呀!

p.s. 不過話時話d人真係捨得呀, 得18個月大既bb已經來上playgroup, 仲要係英文或普通話既, 野都未識講/企都未企穩啦, d亞媽亞爸便攞住d$笑哂咁同佢地來上堂, 個老闆就真係happy喇!

又想去迪迪尼喎

                   

話咁快就到12月了, 聖誕節係最開心架, 周圍都播聖誕歌, d氣氛令人好開心, 希望人人日日都開開心心!

囡囡今年生日仍然最想去hk disneyland, o個度氣氛好好令人好開心架, ok一於唸唸佢啦!(其實我最想去disney hotel 食buffet, 不過老公成日話唔抵喎!)

好玩但好累

2010年11月14日上午9:01朋友累積瀏覽 0 16

昨日一早同囡囡去維園玩渣打藝趣嘉年華, 11點鐘到達, 已經勁曬呀, 畫大花臉排咗一粒鐘呀, 再玩做手工又一粒鐘, 嘩一點鐘已經累哂了, 一於約老公食lunch抖抖先! 

之後再去赤柱行個round扮遊客, 5點幾坐車出番中環, 再搭船過海去TST睇聖誕燈飾, 食埋mcdonald便回家喇!

不過回到家仲未有得休息喎, 再要囡囡做多兩樣功課先(數學補充3版 + 中文3篇閱讀理解), 點解咁殘忍? 因為星期日仲有三樣功課等緊佢呀! 

終於測完驗了

                   

囡囡上星期五測完驗了, 今次我冇咩心機同佢溫書, 佢當然更懶啦, 不過好在呢兩日派d卷番來, 成績都ok啦, 三年級d野又深咗咁多, 我已經好滿意架喇, 希望佢keep住啦!

不過一測完驗又回復要做10樣功課了!

近況

                 

暫時呢排都打算日日去陪媽咪, 湊完女返學便"過對面海"娘家陪佢, 有時又同佢出去食下野咁啦, 不過其實都未必係我地陪佢架, 好似細佬咁, 有日放工回家突然狂喊(喊咗個幾鐘呀)嚇親媽咪呀, 不過因為返工時始終要抑制情緒, 佢都要俾自己既傷心釋放出來的!

而我自己前日湊完囡囡返學都突然失控在街上狂喊, 可能因為再前一日去取daddy既骨灰, 再去墳場攪手續睇地方, 抱住daddy既骨灰覺得好重不過心情仲沉重, 覺得好感觸個人好down, 所以又癲起上來, 慢慢啦呢d野始終要時間既, 不過可能我地一家人不嬲感情都好好, 而呢件事又太突然所以個個既情緒都好難平伏囉!

感恩的心

                  

終於送別了daddy的最後一程了, 一切都順順利利, 真的很感恩!

知道打風時真的很擔心(仲要話係強颱風), 因為好多老人家出席(教堂的教友), 所以好擔心落雨會影響佢地既安全!

今次daddy既後事我地係用天主教儀式, 氣氛比較平靜, 有詩歌班唱歌及有神父進行儀式, 不過我好冇用呀兩日都有喊, 同埋我不能接受佢變哂個樣呀! 細佬亦承受好大既心靈痛苦, 又要打點一切又要抑壓自己情緒, 所以有d儀式佢頂唔順時, 就唯有我去啦, 不過我真係好想疯狂發癲大喊呀, 當妳左邊右邊d人都大喊時妳叫我點抑制呀? 但又要主持大局, 不過幸好一切都有天父引領全都順利完成, 連囡囡都在全個過程中安安靜靜, 老爺奶奶都好俾面百無禁忌兩日都出席呀, 感謝主呀妳實在很眷顧我地一家人呀!

不過原來安慰人真係好難好難架, 媽咪一路都要靠醫生開藥才可控制情緒, 我擔心佢太依賴藥物叫佢盡量靠自己, 點知佢同我講靠唔到自己呀, 佢已經兩次睇唔開喇, 我同佢講我同細佬已經頂唔順了, 叫佢"當"為下我地兩個啦, 一切已咁順利唔好再咁樣啦, 我已經晚晚都瞓唔到捱唔住架喇! 暫時佢平穩了希望"明天會更好"啦!