自己嘆番晚

                   

昨晚約咗人dinner, 呢個係我同學, 又曾經係我同事, 已經識咗佢二十幾年了!

昨日係佢生日, 佢雖然大過我但仍小姑獨處, 父母又已經唔o係到, 所以年年我都會正日同佢慶祝既, 不過始終我有家庭有小朋友d時間比較難攪, 年年呢日都同老公請假一晚, 之前就可放低囡囡一晚俾人湊, 不過呢一兩年佢已經唔肯了, 所以都變成了3人晚宴, 不過囡囡昨日發燒我當然唔同佢出去啦!

所以老公放工立即回家, 我將囡囡交低後再飛奔出去應約, 出到旺角一刻勁大雨呀(幸好只灑了一下咋), 昨晚我地食hot pot, 一路食一路傾, 好耐冇試過咁free了, 竟然食咗4個幾鐘頭呀, 囡囡不停call我才飛跑回家!

可憐既囡囡好眼瞓但仍堅持等我番屋企先瞓, 真係心甜! (老公都冇佢咁痴心呀, 真係窩心呀!)