囡囡學校仍在考試中，昨天剛考完英文，阿女通常回來都祇會略略提下內容便算，不會好似其它同學咁乜都回家滙報，所以我今早都只是聽其它家長d對話，不過充滿埋怨嚕騷聲音！例如：時間太短了，45分鐘做11版紙，究竟做唔做到架呢？之前既quiz太深太少人合格要投訴喎，d家長話學校係咪想害死佢地d學生，今次呈分試了，出到咁深成績拉低哂點出去見中學呀？佢地又問過英文老師原來今次係校長要求出咁深，班家長打算一齊去見校長去嘈佢去質問佢，仲話要唱衰間學校喎！
我自己唸究竟間間學校內部都係咁麻煩，抑或我咁唔好彩入正呢間！如果其它學校都要咁深咁短時間做咁多張紙咁都要跟大圍架啦，深定淺在乎識唔識，識就淺，唔識就1+1都係深，我唸得唔啱嗎？係我性格被迫屈服慣吖？抑或我太軟弱既性格？不慣事事出來嘈出來爭取，唔慣現今社會既~常常要遊行發聲示威抗議呢？唔識講呀亦唔識點教女了！
一樣米養千百樣人,而且人人性格都是獨特嘅!!自己覺得OK味得囉,無謂同d三八係度嘈喧巴閉喇,其實好多人都好無主見同無判斷力嘅,人嘈佢又嘈,人講佢又講,呢d味叫羊群效應囉。雖然呈分試係好重要,但係入唔到心儀學校係味要跳樓先??自己做家長都情緒失控,仲話要事事投訴,咁嘅身教d仔女又會好得去邊呢??baby你囡囡真係好乖好懂事,讓佢好好享受讀書樂趣,千萬不要做虎媽同怪獸媽媽呀!!
回覆刪除多謝你既回覆呀，現今做家長真係好難，虎媽一定冇我分，不過怪獸家長就⋯避冇可避了，怪少d啦，起碼我冇迫佢學野！哈哈！心儀學校其實我都未唸到，交俾神安排啦！
刪除依家香港嘅學生讀書真辛苦！
回覆刪除係辛苦架，不過又冇本事俾佢去外國讀，唯有盡力啦！
刪除我會叫仔女盡力溫，已經睇到佢地盡哂力，成績係點我無咩理嘅。
回覆刪除不嬲知你作風啦，仔女盡咗力你一定企佢地嗰邊！
刪除我都係咁話...盡了力就算了...
刪除我記得初中時都有份英文測驗卷出到好深, 個老師都話係專登出比我地程度高兩級嘅卷...雖然無人合格, 但唔覺有家長投訴..有時我都覺得宜家D人係又投訴唔係又投訴, 攪到個個出嚟打工嘅都壓力大.
回覆刪除所以有時我都戥d老師慘呀！
刪除其實有D唔合理事係要出聲，不過，現在好多人係為自已利益而嘈，慌死蝕底左俾人。至於試卷深，可能係校長想睇清楚學生實力，其實學生成績直接影響校譽，校長都好緊張架。
回覆刪除咪係，應該個個校長都會想自己學校好ga wor!
刪除依家咩人(家長)都有, 說真, 你說五六年級考試11頁是多?! 但我想講, 其實好普遍而已~ 有d人專係搞事, 佢可以選擇唔讀, 但就唔好搞著間學校lor!!! ( 佢地知唔知出一份卷要幾多人力物力同時間架?! )
回覆刪除佢地當然唔會理出一份卷要幾多時間心機同精神啦，最緊要佢個仔女高唔高分啫！
刪除唉................
刪除其實老師出卷都要時間心機架...考試一次比一次做得多...咪係幫緊個小朋友...家下已經唔適應...上中學真係有排憂...
回覆刪除所以我都採取煮到嚟就食啦，個個都係咁做架啦！
刪除