好友相聚＝ｒｅｌａｘ的一晚

昨日下午同囡囡學完畫畫之後便趕回家了，因有特別節目，契女是５月份生日的，亞君安排了昨日在我家為她攪生日派對，我最怕攪呢ｄ野，好彩亞君最拿手這家野，她買了蛋糕，羊扒，做壽司的材料；而我就負責買飲品，做沙薑雞翼，還做了黑加倫子喱哩，老公放工買了８小杯Ｈａａｇｅｎ－Ｄａｚｓ回來作飯後甜品呢！

我同亞君就有說不完的話題，而佢老公及囡囡亦好有心機陪亞女玩，亞君更安排２個細路做壽司，她們玩得不亦樂乎，好讓我可ｒｅｌａｘ一晚；但我老公便沒精神應酬了，因之前已連續２晚放晚上１２：３０早上又返８：００！傾談到１０：００ｐｍ左右便送客了，因老公明天都要返工，佢已經好耐冇放ｓｕｎ了，而亞君他們一家明早亦要返教會，只是亞女有ｄ無奈，剛剛玩到最開心便散ｂａｎｄ了，幸好她都冇唔開心，還叫他們下次早ｄ再來過！

今天總算幾開心，但其實之前我極度頭痛的，因無形的精神壓力下，我最怕人來我家作客，因我唔識招呼客人，雖然他人不介意，但我就可免則免了！（最好唔好啦！）