懷舊

最近又舊地重遊回到小時候生活的地方，感覺好舒服，而且很多很多小時候的回憶立即湧現腦中，很感慨無奈又少少唏噓！

冇記性

人愈大愈冇記性，所以好多野都要寫低，開心同感恩既野更加要記低來不時提醒自己！

自從囡囡派到心儀中學之後，好多親朋戚友都紛紛替她高興，尤其是弟弟、弟婦、阿姨、兩個舅父、婆婆、姑仔紛紛送囡囡利是和禮物，連阿嫂都特登約埋老爺奶奶出來一齊飲茶（有d受寵若驚嚇親）添！唔係貪心人地送既野，祇是冇唸過人地會咁上心啫，要好好記住呢一刻～感恩！

一年一度湊熱鬧

每年書展都會同囡囡湊熱鬧，我倆都愛看書但不太愛買書，因為蝸居地方有限，況且睇完便算了不大機會會重看，所以由11：30am睇到5pm夠哂皮了，雙腳已受不了呢！

不過我都買咗三本書呀，因為有幸見到作者---羅乃萱，傾談幾句後仲攞埋親筆簽名添！

囡囡雖然冇買書，不過都用＄50做咗一個勞作仔，佢最鍾意整呢d手作仔，開心孜孜地拎住自己件作品回家了！

荷包大出血

原來升中開學開支真係好重皮呀，除了食飯交通費之外，做新校服買新書好貴呀，要買三千蚊書呀，我暈了！

好開心

好開心呀，囡囡中學派位派到第一志願呀，超開心呀，係誇區呀，即係自行派位時已成功了，囡囡開心到喊呀！

今年學校成績好好呀，100%頭三志願，96%第一志願呀！

神的恩典夠我用！Thanks God!

小學畢業了！

冇時間自製相架俾Miss Lau，結果囡囡親手寫一封多謝信及用rainbow loom做了一道彩虹送給老師，我覺得都唔錯吖！俾大家開下眼界先。

此外，又做了一個3葉草送俾校長，因為校長要退休了！

昨天（5/7/2014）學校畢業禮，囡囡大豐收呀！

全班第二名，全級第六名呀，仲有再次做到模範生呀，仲有呀仲有攞到獎學金＄400書券呀！好開心好開心呀！

不安

倒數日子還有四日（8/7）中一派位放榜了，雖然不斷叫自己放心放鬆，但畢竟不易做到，開始發惡夢了，情緒不安了，脾氣暴躁了，為了這次中學派位我放棄了多年工作來陪伴囡囡，究竟是否值得呢？

因為要做定叩門功夫所以唔到我唔唸，能夠做的只有不斷祈禱，我信天父會為囡囡安排最好的！

不要怕，只要信！

我靠著那加給我力量的，凡事都能作！