出人意表

                   

唔知大家記唔記得囡囡之前考了一個"華夏杯"即奧數考試呢？當日場面好得人驚呀，人山人海，原來好多人去考呀，成二萬幾人呀！

囡囡考完出嚟已經垂頭喪氣話好難好難，連合格既信心都冇，我話唔緊要啦，見識下之嘛，預咗唔得架啦，我地都冇上堂！慢慢我地已經忘記了呢件事，點知前幾日收到封信原來囡囡奧數比賽中攞到三等奬呀！））））真係連佢自己都不敢相信呀！五年級共有四千多人考，其中二千三佰個肥咗佬（即係要再接再勵再考過），其他有獎既都可有權可報名再參加決賽，俾$280報名費及交表即可！

在我而言當然唔考啦，上次都咁鬼難，難得過到關便算了，但老公又覺得點解唔去試下喎，俾個機會自己或者得呢？儍啦，邊有咁易吖，當你見過d試題就知唔讀過既人根本冇可能識做架(全部要背方程式架)，我唔想再為難個女咋！囡囡都好難決擇，因為自己又冇信心又驚浪費我地d$，但爸爸又話一試冇妨喎，父母既意見不一做仔女既最難做呀！

而家學校考緊試, 仲有少少時間遲D先唸啦!

煩惱絲

 

果然係三千煩惱絲, 個髮型又開始攪極都唔順眼了, 之前個頭髮型師又話可以頂到二月新年都唔洗整既, 仲有四個禮拜先新年, 點好呢?

有好, 有唔好的~whatsapp

                   

自從用了智能手機之後的確好開心, 因為方便咗好多, 特別係方便我追my tv!

但愈來愈覺得whatsapp唔好了, 有一個家長好煩呀, 成日來問我女要學校d野(唔同班架), 功課啦(佢個仔唔識改喎), 一時又話quiz卷唔識改, 又話唔見咗d worksheet叫我whatsapp send俾佢, 一次半次都ok, 但我覺得已到煩擾既程度了, 好多時囡囡都好唔想俾d卷佢地, 但我又可以點做呢? 煩煩煩呀, whatsapp 唔可以扮收唔到睇唔到家嘛~

2013~新開始

***呢個聖誕節假期我地好癲呀~~~~~兩日海洋公園, 兩日迪士尼樂園, 兩日回校錄影, 兩日做宅女完全唔出街狂追功課(因為有成28樣呀), 不知不覺假期便完結了, 夠盡情吧, 橫豎假期都不會溫習吧, 不如玩盡D啦~

囡囡今日開學喇, 一切正常了! 下星期又開始陸陸續續地考因中英文默書, 之後又是考試開始了, 不過生活就是如此順著去做便是了!

新一年希望好好控制自己既脾氣, 用"愛"心好好對自己及家人, 最希望身體健康, 希望自己思想正面+樂觀, 好好珍惜及活好每一天~

2013好的開始, 新的開始~~~~

童真無國界

囡囡返埋今個星期四放聖誕假喇, 不過我又覺得好似好忙咁喎!

話說香港電台(rthk)話想同我地學校合作拍一集(輯)"童真無國界"喎, 好開心囡囡被選中呀, 但聖誕假期內有兩日要回校錄影啦, 朝8晚5包一餐, 其中一日仲要家長幫手去做"咖哩啡"呀, 囡囡當然超級興奮啦! 另外, 本來今日放半日架, 但下午佢地都要留校, 因為有手語老師來教佢地學手語呀, 好似幾好玩咁噃~

而1/1/2013囡囡又參加咗"華夏杯"既奧數比賽, 本來我都唔打算參加架, 因為我地今年都冇讀奧數班, 其實我覺得佢d數麻麻地架咋, 不過老師話: 既然唔洗$咪去試下囉, 或者考得好可以多張cert呢, 哦, 咁去試下啦(不過冇上堂就去考有d擔心喎~)

2012年12月12日中午12點去咗邊?

                   

尋日囡囡學校假期, 所以 我地2012年12月12日中午12點去了迪迪尼玩呀, 當然係為咗亞女啦, 我好多野都唔敢玩架, 年紀愈大, 人變得愈冇膽了, 去感受一下開心氣氛都好既, 老公還送了年票給我們可去多幾次呢~

憂心忡忡

                   

呢輪老公成日覺得個心壓住壓住好唔舒服，前幾日佢終於去睇了醫生，照了心電圖及照了X-ray, 報告亦出了，心㸤有d不正常心跳亦不正常，血壓亦有d高，可能血管有d塞（醫生估），醫生寫了轉介信去醫院排期見醫生，佢當然擔心啦，我就更加擔心啦，始終佢係家庭經濟支柱，女細老婆嫩（ 其實都唔嫩架啦）！我突然好驚，好冇安全感，亦好無助，唯一可做的祇有禱告吧！

今朝自己一個去醫院幫佢排期時，突然又想起了daddy之前在醫院的種種情況，情緒及眼淚亦有點不受控了！之後同媽咪傾電話及午餐，我很不孝地告訴了她實情，因為我需要她為我分憂呢，雖然daddy已離開了兩年多，不過一切佢在醫院及之後安排既情境，常常不斷在我䐉中及夢境出現呢，好影響我呀！）））））））

或者如一位網友所說，我要學習堅強呢，不過我實在太眼淺了，我唸首要學習是抑制眼涙呢！

醫院排期去到2013年6月中啊！