高d~高d~再高d呀))))))

                   

呢幾日又是發癲高峰期, 因為囡囡p.5呈分試進行中, 佢一貫的表面極hea, 我又撞啱頭痛, 胃痛+想想地開始感冒, 天氣極濕又熱, 可能我肥, 一郁便一身大汗好似開了水喉地出汗停唔到, 但又冇可能唔出街, 每朝一去到學校我已極度辛苦了(因為冇車搭要行20分鐘路程)!

當然我知亞女壓力都好大, 佢用張被蓋住自己話想匿埋唔考試喎, 唉~~~~~, 我已經上星期五晚同佢出tst睇鴨鴨, 星期六去書店睇一陣書, 夜晚溫完書可以睇tv; 星期日又同佢出街食早餐行一陣先回家溫書, 仲想點~~~, 仲有兩日捱呀))))))))))), 兩母女發哂癲, 好在老公仲頂得住, 不停勸我只要付出不要望回報了, 佢EQ真係高我好多, 希望佢一路EQ都咁高,亦希望我自己既EQ高d高d再高d啦~