生蛇

上星期五（14/8/2015）晚媽咪覺得好頭痛--神經痛十分辛苦，睇了醫生仍不能止痛；星期六再睇另一個醫生，結果竟然係「生蛇」呀！！！

其實媽咪之前已經打咗「蛇針」（預防疫苗），估唔到仍然不能避免，希望佢快d好番唔會咁辛苦痛咁耐啦！

快

時間真係過得好快好快呀，眨下眼仲有兩星期便放完暑假了；不過媽咪話覺得時間過得快即係生活過得開心喎，咁都好既不過有d唔捨得啫！

今年照舊仍然有一年一度的暑假家族大旅行（35人），愈來愈多人參與呀，不過只是兩日一夜的回國內住一晚酒店咋，冇咩特別行程㗎，因為要遷就老人家嘛，當中有幾位八十多歲的老人家，而且姑婆更加九十多歲了，腳不太好，當然冇咩行程方便佢唔洗行咁多嘛，不過氣氛愉快大家都好開心呀！

願望

願我及我的家人我的朋友，全部都身體健康，笑口常開，生活愉快，幸福滿滿，主恩常在！

囡囡織給我的電話袋！

時光飛逝

時間過得真快已經一個月冇寫blog了！囡囡開始放暑假了，之前擔心考試成績，結果好好呀（全部合格), 應該可以升班啩，不過11/7先有成績表呀！

尋日一早7:30俾佢morning call我去游水，老骨頭要岀動了！今年暑假冇報名學任何野，之前辛苦了9年今年休息一下吧！

欲速則不達

6月份了，一切都很平靜！下星期囡囡要開始為期兩星期的考試週了，我沒多大要求升班便可以了，看似簡單其實亦不簡單呢，因為只要主科一科不合格便會留班了，沒有補考的！小學時科科咁高分從來不會擔心不合格，估唔到上了中學我只要求合格便心滿意足了！

之前我有d情緒上不太好，現在唸通了少少啦，有d野欲速則不達，俾d時間多d禱告，適當既時候天父便會安排的，要繼續正能量呀！

鬆一鬆

呢幾日唸通咗少少啦，一定會愈來愈好的，加油呀！各位母親節快樂！

等待中的陽光

悲觀既人眼看所有事都係灰色既，我絕對擁有一顆悲觀既心！

幸好喺blog內仍有一些正能量既朋友在為我打氣，雖然仍然未變得番陽光氣一點，但仍然會努力祈禱祈禱再祈禱的！

我的心哪，你為何憂悶？為何在我裡面煩躁？應當仰望上帝，因祂笑臉幫助我？我還要稱讚祂。（詩篇四十二章5節）