好有成功感

呢排FB群組好hit用燜燒杯整野食，我都心郁郁有d興趣，不過d象印賣到斷哂市，有＄都買唔到，失望之餘有個售貨員跳岀來話有客留咗一隻唔要可賣給我，而且仲有折扣添。嘩！開心到跳起呀，真係神既安排呀，tks God！

即刻返屋企試下先，好成功呀，我整到豆腐花呀，超開心呀！

新的一年，好的開始

 Happy new year!

希望來年自己及家人仲有親戚朋友，大家都要身體健康，一切順利，豐衣足食，幸福快樂！

福大命大

本來去惠州三日都幾好玩，不過發生了一段小插曲呢！

在惠州梅菜街shopping時，在一間舗睇精品時突然從樓上二樓跌下一個不繡鋼保溫瓶在我頭上，不偏不倚中正頭奨，幸好沒有穿頭只是少少頭痛咋，否則後果不堪設想呀！今次真係福大命大呀！God bless me!

PS # 幅鸚母相片係囡囡影架，我覺得影得好靚呀，對鸚母是放在酒店門口的，在雀籠內都可影得咁好，叻女！

惠州三天遊（龍門尚天然溫泉＋喜來登渡假洒店）

今年奶奶話唔攪做冬食飯喎，佢要返鄉下，既然係咁我地便報團在22/12去玩3日了！

上星期去了大陸㓎溫泉，玩了3日，近期好少去咁多日，不過冇期待之下，又有d驚喜喎，環境比想像中亁淨，房間內暖氣非常正！而且酒店外貎係客家人土樓形式既客家圍酒店，幾特別！

好多人在曬魚乾，臘腸同臘肉呀，場面壯觀呀！

仲有一個小禮堂俾新人行禮！

DIY

囡囡考完試了，今日放學立即開工整薑餅屋慶祝聖誕節，之前在citysuper買既玩意，有得玩有得食！原來一d都唔易整，見佢埋頭苦幹了幾個鐘，終於完成了，靚唔靚其次，最緊要好玩！

有口福

雖然我暫時冇得去日本旅行，不過舅父剛剛去完日本回來，帶了一隻毛蟹回來送給我們這一家，好鮮味好滿足呀！

開心

12月了，份兼職亦完了，做咗9日賺了少少＄好開心，心情都好好！在灣仔返工，呢區真係好多好多人，見到地鉄站d人多到呢，嚇到我只敢搭巴士，不過預既時間起碼要個半至兩個鐘頭，返9點要搭7：30車，放工6點要成7：45-8:00先返到屋企呀，不過我只做兼職不是長工所以冇所謂啦！希望之後都會搵到呢d工啦！